Dinamalar

மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய தகவல்

பாலிவுட் நடிகர் அஜய் தேவ்கன் நடிப்பில் உருவாகியுள்ள படம் 'தே தே பியார் தே 2'. இதில் நடிகர் மாதவன், ரகுல் ப்ரீத் ஆகியோர் முக்கிய வேடத்தில் நடித்துள்ளனர். அதிலும் மாதவனின் மகளாக நடித்திருக்கிறார் ரகுல் பிரீத் சிங். அன்சுல் சர்மா இயக்கியுள்ளார். அஜய் தேவ்கனும், மாதவனும் இணைந்து கடந்த வருடம் வெளியான சைத்தான் என்கிற படத்திலும் நடித்திருந்தனர்.

சமீபத்தில் நடைபெற்ற இந்த பட புரமோஷன் நிகழ்ச்சியில் மாதவன் பேசும்போது, “சைத்தான் படத்தைப் போலவே இந்த படத்திலும் அஜய் தேவ்கன் அனைவரையும் நன்றாக கவனித்துக் கொண்டார். ஆனால் என்ன.. ஒரு இளம் பெண்ணுக்கு தந்தையாக நடிப்பது தான் கஷ்டமாக இருந்தது” என்று கூறினார்.

இதனை தொடர்ந்து அஜய் தேவ்கன் பேசியபோது, “சைத்தான் படத்தில் அவர் என்னுடைய மகளை என்னிடமிருந்து பிரித்து அபகரித்தார். இந்த படத்தில் அவரது மகளை (ரகுல் பிரீத் சிங்) நான் அவரிடமிருந்து பிரிக்கும் வேலையை செய்து இருக்கிறேன். அந்த வகையில் இது சைத்தான் படத்தின் சீக்வல் என்று கூட சொல்லலாம்” என்று ஜாலியாக கூறினார்.

இதற்கு முன்பு வெளியான சைத்தான் படத்தில் அஜய் தேவகன், ஜோதிகா தம்பதியினருக்கு மகளாக ஜானகி போடிவாலா என்பவர் நடித்திருந்தார். அந்த படத்தில் பிளாக் மேஜிக் செய்யும் ஒரு மந்திரவாதி கதாபாத்திரத்தில் நடித்திருந்த மாதவன், அஜய் தேவகன் குடும்பத்தினருடன் நெருங்கிய நட்புடன் பழகி அவரது மகளை தனது பிளாக் மேஜிக்கு பயன்படுத்த அபகரிக்க திட்டமிடுவார். அதை அஜய் தேவ்கன் எப்படி எதிர்கொள்கிறார் என்பது தான் அந்த படத்தின் கதை. இதை குறிப்பிட்டே அஜய் தேவ்கன் அப்படி பேசியுள்ளார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்
• டுவிட்டர்

• 
  'திரெளபதி 2' படத்தில் பாடியதற்காக மன்னிப்பு கேட்ட சின்மயி
• 
  மஞ்சு வாரியரிடம் கமல் வைத்த கோரிக்கை
• 
  ரியோ ராஜ் நடிக்கும் 'ராம் இன் லீலா'
• 
  இயக்குனர் ராஜ் நிடிமொருவை 2வது திருமணம் செய்தார் சமந்தா
• 
  நடிகை கனகா தந்தையும் இயக்குனருமான தேவதாஸ் காலமானார்

• 
  நகைச்சுவைக்கு நேரமும் இயல்பான வெளிப்பாடும் அவசியம் : ஷ்ரேயா ஷர்மா
• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!