மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
ஷங்கர் இயக்கத்தில், ஏஆர் ரஹ்மான் இசையமைப்பில், அர்ஜூன், மனிஷா கொய்ராலா, ரகுவரன், மணிவண்ணன், வடிவேலு மற்றும் பலர் நடித்து நவம்பர் 7ம் தேதி 1999ம் ஆண்டு வெளிவந்த படம் 'முதல்வன்'. இன்றுடன் இப்படம் 25வது ஆண்டைத் தொடுகிறது.
80, 90களில் அரசியல் கலந்த படங்கள் எப்போதாவது ஒரு முறைதான் வரும். மணிவண்ணன் போன்ற ஒரு சிலரே அரசியலை தொட்டனர். மற்றவர்கள் அதிகம் தொடாமல் கமர்ஷியல் பாதையில் மட்டுமே பயணியத்த காலம் அது. 93ல் வெளிவந்த 'ஜென்டில்மேன்' படம் மூலம் இயக்குனராக அறிமுகான ஷங்கர் அவரது ஒவ்வொரு படங்களையும் பிரம்மாண்டப் படைப்புகளாகத்தான் எடுப்பார். அதே சமயம் அவற்றின் பின்னணியில் சமூகம் சார்ந்த பிரச்சனைகள் மையமாக இருக்கும்.
அவரது ஐந்தாவது படமாக வந்த 'முதல்வன்' படம் ஒரு அதிரடியான அரசியல் படமாக இருந்தது. முதல்வரின் ஆளும் கட்சியினர் செய்த ஒரு அராஜகத்தை வெளிச்சம் போட்டு காட்டுகிறார் மீடியாவில் வேலை செய்யும் அர்ஜூன். அதன்பின் முதல்வரையே நேரடியாக பேட்டி எடுக்கும் வாய்ப்பு கிடைக்கிறது. அந்த பேட்டி வாக்குவாதத்தில் போய், ஒரு நாள் முதல்வராக அர்ஜூன் இருக்கும் வாய்ப்பு கிடைக்கிறது. அந்த ஒரு நாளில் அவர் செய்யும் அதிரடிகள், அதன்பின் அவருக்குக் கிடைக்கும் எதிர்ப்புகள் ஆகியவைதான் படத்தின் கதை.
100 நாட்களைக் கடந்து வெற்றிகரமாக ஓடிய ஒரு படம். ஷங்கர் - அர்ஜூன் கூட்டணி இணைந்த 'ஜென்டில்மேன்', 'முதல்வன்' இரண்டு படங்களுமே பெரும் வெற்றிப் படங்கள். அப்போது அர்ஜூனை விடவும் முன்னணியில் இருந்த ஹீரோக்களை வைத்து படம் பண்ணாமல் அர்ஜூனுக்கு வாய்ப்பு கொடுத்து அவருடைய படங்களில் இந்த இரண்டு படங்களையும் முதன்மைப் படங்களாக மாற்றி வைத்தார் இயக்குனர் ஷங்கர்.
ஏஆர் ரஹ்மன் இசையில் 'முதல்வன்' படத்தின் பாடல்கள் அனைத்துமே சூப்பர் ஹிட்டானவை. 'முதல்வனே… முதல்வனே...' பாடலின் கிராபிக்ஸ் காட்சிகள் அப்போது ஆச்சரியத்தை ஏற்படுத்தியவை.
தமிழ் சினிமாவில் ரசிகர்களைக் கவர்ந்த அரசியல் படங்களில் 'முதல்வன்' படத்திற்கும் ஒரு முக்கிய இடமுண்டு.