அனந்தபுரம் டைரீஸ் படப்பிடிப்பை நிறைவு செய்த மீனா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

29 அக், 2023 - 01:42 IST

எழுத்தின் அளவு:

90களில் முன்னணி கதாநாயகியாக வலம் வந்த மீனா திருமணத்திற்கு பிறகு அதிக அளவில் படங்களில் நடிப்பதை குறைத்துக் கொண்டாலும் திரிஷ்யம் படத்தின் வெற்றியை தொடர்ந்து மலையாள திரையுலகில் மட்டும் கவனம் செலுத்தி நடித்து வந்தார். இடையில் அவரது கணவரின் மறைவு காரணமாக சில காலம் படங்களில் நடிப்பதை தவிர்த்து வந்த மீனா தற்போது மீண்டும் முன்னைப்போல படங்களில் ஒப்பந்தமாகி நடிக்க துவங்கியுள்ளார். அந்த வகையில் மலையாளத்தில் அனந்தபுரம் டைரீஸ் என்கிற படத்தில் கதாநாயகியாக நடித்து வருகிறார் மீனா.

இந்த படத்தில் மிகுந்த பிரச்னைகளுக்கும் போராட்டங்களுக்கும் இடையே வழக்கறிஞராக துடிக்கும் ஒரு பெண் கதாபாத்திரத்தில் நடிக்கிறார் மீனா. இப்படி வழக்கறிஞர் கதாபாத்திரத்தில் மீனா நடிப்பது இதுதான் முதல் முறை. இந்த படத்தை ஜெய ஜோஸ் ராஜ் என்பவர் இயக்குகிறார். வழக்கறிஞர் கதை என்றாலும் இதில் ஒரு குறிப்பிட்ட பகுதி கதை கல்லூரியில் நடைபெறும் விதமாக படமாக்கப்பட்டு உள்ளது.

இதில் கல்லூரி பேராசிரியர் கதாபாத்திரத்தில் முக்கிய வேடத்தில் நடிக்கிறார் நடிகர் ஸ்ரீகாந்த். மேலும் நடிகர் மனோஜ் கே.ஜெயன் இதில் இன்னொரு வழக்கறிஞர் கதாபாத்திரத்தில் நடிக்கிறார். கடந்த செப்டம்பர் மாதம் துவங்கிய இந்த படத்தின் படப்பிடிப்பு தற்போது நிறைவடைந்துள்ளது. இது குறித்த புகைப்படங்கள் தற்போது சோசியல் மீடியாவில் வெளியாகி உள்ளன.

Meena

Ananthapuram Diaries

மீனா

அனந்தபுரம் டைரீஸ்

கருத்துகள் (0) கருத்தைப் பதிவு செய்ய

சூர்யா 43ல் இணைந்த பாவ கதைகள் ...

500 கோடி வசூலைக் கடந்ததா 'லியோ'?

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய