Dinamalar

யாத்ரா 2வில் நடிப்பதை உறுதிப்படுத்திய மம்முட்டி

கடந்த 2019ல் தெலுங்கில் மம்முட்டி நடிப்பில் வெளியான படம் யாத்ரா. மறைந்த ஆந்திர முதல்வர் ராஜசேகர் ரெட்டியின் வாழ்க்கை வரலாற்றை, குறிப்பாக அவர் ஆட்சியை பிடிப்பதற்காக நடத்திய பாதயாத்திரையை மையப்படுத்தி இந்த படம் உருவாகி இருந்தது. இதில் ராஜசேகர் ரெட்டி கதாபாத்திரத்தில் தான் மம்முட்டி நடித்திருந்தார். இந்த படம் ஓரளவு வரவேற்பை பெற்றதுடன் ஆந்திர அரசியலில் கொஞ்சம் சலசலப்பையும் ஏற்படுத்தியது. இந்த படத்தை மகி ராகவ் என்பவர் இயக்கி இருந்தார்.

இந்த நிலையில் இந்த படத்தின் இரண்டாம் பாகம் யாத்ரா 2 என்கிற பெயரில் துவங்கப்பட்டு நடைபெற்று வருகிறது. இந்த படத்தின் கதை முழுவதுமே ராஜசேகர் ரெட்டியின் மகனும் தற்போதைய ஆந்திர முதல்வருமான ஒய் எஸ் ஆர் ஜெகன்மோகன் ரெட்டியை மையப்படுத்தி உருவாக்கப்பட்டுள்ளது. இதில் ஜெகன்மோகன் ரெட்டி கதாபாத்திரத்தில் நடிகர் ஜீவா நடித்து வருகிறார். மகனைப் பற்றிய கதை என்பதாலும் இந்த படத்தில் அப்பாவுக்கான வேடத்திற்கு முக்கியத்துவம் இல்லை என்பதாலும் இதில் மம்முட்டி நடிக்கவில்லை என்றே இதுநாள் வரை சொல்லப்பட்டு வந்தது.

இந்த நிலையில் இந்த படத்தின் பர்ஸ்ட் லுக் போஸ்டர் வெளியாகி உள்ளது. இதை நடிகர் மம்முட்டியே தனது சோஷியல் மீடியா பக்கத்தில் வெளியிட்டுள்ளார். போஸ்டரில் ஜீவாவுடன் மம்முட்டியின் படமும் இடம் பெற்றுள்ளதை பார்க்கும்போது மம்முட்டியும் இந்த படத்தில் நடிக்கிறார் என்பது 100% உறுதியாகி உள்ளது. வரும் பிப்ரவரி 8ம் தேதி இந்த படம் வெளியாக இருக்கிறது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி