Dinamalar

லியோ - தெலுங்கு வெளியீட்டில் சிக்கல்

லோகேஷ் கனகராஜ் இயக்கத்தில் அனிருத் இசையமைப்பில், விஜய், த்ரிஷா, சஞ்சய் தத், அர்ஜுன் மற்றும் பலர் நடிக்கும் படம் 'லியோ'. இப்படத்தை பான் இந்தியா படமாக அக்டோபர் 19ம் தேதி வெளியிட உள்ளார்கள். இப்படத்திற்கான அனைத்து வியாபாரமும் ஏறக்குறைய முடிந்துவிட்டது.

தமிழகத்தில் அக்டோபர் 19ம் தேதியன்று வேறு படங்களை வெளியிட அதன் தயாரிப்பாளர்களும், வினியோகஸ்தர்களும் தயங்குவார்கள். 'லியோ' படத்திற்குப் போட்டியாக படங்களை வெளியிட தியேட்டர்களும் கிடைக்காது. ஆனால், தெலுங்கில் 'லியோ' படத்தை வெளியிட புதிய சிக்கல் ஏற்பட்டுள்ளது.

அங்கு அக்டோபர் 19 மற்றும் 20 ஆகிய தேதிகளில் “பகவந்த் கேசரி, டைகர் நாகேஸ்வர ராவ்,” ஆகிய நேரடி தெலுங்கு படங்களும் 'கோஸ்ட், எஸ்எஸ்இ சைட் பி' கன்னடப் படங்களும், “தேஜஸ், யாரியான் 2, கணபத்' ஹிந்திப் படங்களும், வெளியாக உள்ளதாக அறிவிக்கப்பட்டுள்ளன.

'பகவந்த் கேசரி' படத்தில் பாலகிருஷ்ணாவும், 'டைகர் நாகேஸ்வர ராவ்' படத்தில் ரவி தேஜாவும் நடித்துள்ளனர். அவர்கள் தங்களது படங்களுக்கு அதிக தியேட்டர்களைக் கிடைக்க பெரும் முயற்சி எடுப்பார்கள். நேரடித் தெலுங்குப் படங்கள் என்பதால் அதற்குத்தான் முக்கியத்துவம் கொடுக்க வேண்டும் என்ற குரலும் தெலுங்குத் திரையுலகத்தில் எழும்.

எனவே, 'லியோ' படத்திற்கு தெலுங்கில் தேவையான அளவு தியேட்டர்கள் கிடைப்பதில் சிக்கல் ஏற்பட்டுள்ளது.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு