Dinamalar

'லியோ' மொத்த வசூல் 220 கோடி மட்டும் தானா?

தமிழ் சினிமாவில் முன்னணி நடிகர்களின் படங்கள் வெளிவந்தால், அப்படங்கள் பல கோடி வசூல் என தயாரிப்பு நிறுவனங்களே அறிவிப்புகளை வெளியிடுகிறது. அவற்றில் எந்த அளவுக்கு உண்மை இருக்கிறது என்பது தற்போது கேள்வியாக எழுந்துள்ளது.

லோகேஷ் கனகராஜ் இயக்கத்தில், விஜய் நடித்து 2023ல் வெளிவந்த படம் 'லியோ'. அப்படம் 12 நாட்களில் 540 கோடி வசூலித்ததாக அதிகாரப்பூர்வமாக அப்போது அறிவித்திருந்தார்கள். ஓடி முடித்த போது 600 கோடி வசூலித்தது என்று சொல்லப்பட்டது.

இதனிடையே, தற்போது லோகேஷ் கனகராஜ் இயக்கத்தில், ரஜினிகாந்த் நடித்து வெளியாக உள்ள 'கூலி' படத்தின் வசூல் குறித்து விஜய் ரசிகர்கள் சமூக வலைத்தளங்களில் தாறுமாறாக பதிவிட்டு வந்தனர். அதற்கு பதிலடி கொடுக்கும் விதமாக 'லியோ' படத்தின் உண்மை வசூல் என வருமான வரித் துறைக்கு அளித்த சான்றுகளை சில ரஜினி ரசிகர்கள் சமூக வலைத்தளங்களில் பகிர்ந்து பதிலடி கொடுத்து வருகின்றனர்.

'லியோ' படம் மூலம் பெற்ற வருவாய் 404 கோடி. அது ஒட்டுமொத்த வருவாய். அதில் ஓடிடி உரிமை 124 கோடி, சாட்டிலைட் உரிமை 72 கோடி, இசை உரிமை 24 கோடி, ஹிந்தி சாட்டிலைட் உரிமை 24 கோடி ஆகியவற்றை கழித்தால் தியேட்டர் வசூல் நிகர வருவாய் 160 கோடி. அதன் மொத்த வசூல் என்று பார்த்தால் 220 கோடி வரும். ஆக, அதுதான் படத்தின் உண்மையான வசூல் என்று ஒரு கணக்கைப் பகிர்ந்துள்ளனர்.

விஜய் நடித்த படங்களிலேயே 'லியோ' படம்தான் அதிக வசூலில் முதலிடத்தில் உள்ளது. அந்த வசூலே பொய்க் கணக்கு என்றால் மற்ற படங்களின் வசூலில் உண்மைத் தன்மை எந்த அளவிற்கு இருக்கும் என்பது மிகப் பெரிய கேள்வி.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்