Dinamalar

ரூ.500 கோடி வசூலைக் கடந்த 'ஜெயிலர்'

நெல்சன் இயக்கத்தில், ரஜினிகாந்த் நடித்து ஆகஸ்ட் 10ம் தேதி வெளிவந்த படம் 'ஜெயிலர்'. இப்படம் எதிர்பார்த்தது போலவே நல்ல வரவேற்பையும், வசூலையும் பெற்று வருகிறது. இப்படம் ஒரு வாரத்தில் ரூ.375 கோடியே 40 லட்சம் வசூலித்ததாக படத்தைத் தயாரித்த நிறுவனம் ஆகஸ்ட் 17ம் தேதியன்று அதிகாரப்பூர்வமாக அறிவித்தது. தமிழ் சினிமா வரலாற்றில் முதல் வார வசூலில் இது அதிகத் தொகை என்றும் சொன்னார்கள்.

அதன்பின் கடந்த நான்கு நாட்களில் இப்படம் ரூ.125 கோடி வசூலைக் கூடுதலாகக் கடந்து தற்போது ரூ.500 கோடி வசூலைக் கடந்துள்ளது என பாக்ஸ் ஆபீஸ் வட்டாரத் தகவல்கள் தெரிவிக்கின்றன. 'பொன்னியின் செல்வன்' படத்தின் முதல் பாகம் மொத்தமாகவே அவ்வளவு வசூலைத்தான் அள்ளியது. ஆனால், 'ஜெயிலர்' படம் அந்த வசூலை 11 நாட்களில் முறியடித்துள்ளது.

இந்தப் படத்துடன் சேர்த்து தமிழ் சினிமாவில் முதல் முறையாக இரண்டு 500 கோடி வசூல் படங்களைக் கொடுத்தவர் என்ற சாதனையை ரஜினிகாந்த் நிகழ்த்தியுள்ளார். இதற்கு முன்பு அவர் நடித்து வெளிவந்த '2.0' படம் தமிழ் சினிமாவின் முதல் ரூ.500 கோடி படமாக அமைந்தது.

'ஜெயிலர்' படத்தின் இந்த புதிய வசூல் சாதனையை அடுத்து விஜய் நடிக்கும் 'லியோ' முறியடிக்கப் போகிறதா, அல்லது கமல்ஹாசன் நடிக்கும் 'இந்தியன் 2' முறியடிக்கப் போகிறதா என ரசிகர்களிடம் எதிர்பார்ப்பு எழுந்துள்ளது.

• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...

• 
  சினிமாவை வாழ விடுங்கள்: நடிகை விஜயசாந்தி
• 
  'கங்குவா' டிரைலரில் பாதி பார்வைகள் பெற்ற 'ரெட்ரோ' டிரைலர்
• 
  வரதட்சணை வாங்கி திருமணம் செய்து கொண்டேனா? ரம்யா பாண்டியன் கொடுத்த ...
• 
  சிவப்பு நிறத்தில் புதிய கார் வாங்கிய ஏ. ஆர். ரஹ்மான்!
• 
  ‛போய் வா நண்பா': ‛குபேரா' படத்தின் பர்ஸ்ட் சிங்கிள் வெளியானது!