Dinamalar

'லியோ' தமிழக வியாபாரம் : ரூ.100 கோடி 'டார்கெட்'

'மாஸ்டர்' படத்தைத் தொடர்ந்து விஜய், இயக்குனர் லோகேஷ் கனகராஜ் கூட்டணி சேர்ந்துள்ள படம் 'லியோ'. இப்படத்தின் படப்பிடிப்பு முடிவடைந்து இறுதிக்கட்டப் பணிகள் பரபரப்பாக நடந்து வருகிறது. அக்டோபர் மாதம் 19ம் தேதி வெளியாக உள்ள இப்படத்தின் தமிழக தியேட்டர் வெளியீட்டு உரிமையைத் தவிர மற்ற மாநில வெளியீட்டு உரிமைகள், வெளிநாட்டு உரிமைகள், ஓடிடி, சாட்டிலைட் உரிமைகள் வியாபாரம் ஏற்கெனவே முடிவடைந்திருந்தது.

தமிழக வெளியீட்டு உரிமைக்கான பேச்சுவார்த்தைகள் நீண்டு கொண்டே வந்தது. தற்போது ஒரு சில ஏரியாக்களின் உரிமை மட்டும் விற்கப்பட்டுள்ளதாகத் தகவல் வெளியாகி உள்ளது. எஞ்சியுள்ள ஏரியாக்களின் விற்பனைக்கான பேச்சுவார்த்தை தொடர்ந்து நடந்து வருகிறது என்கிறார்கள்.

விஜய் நடித்து இதற்கு முன்பு வெளியான 'வாரிசு' படத்தின் தமிழக வெளியீட்டு உரிமை சுமார் 60 கோடி வரை விற்கப்பட்டது. படத்திற்கான 'ஷேர்' தொகையாக 73 கோடி ரூபாய் வரை கிடைத்தது. அதனுடன் ஒப்பிடும் போது 'லியோ' தமிழக வெளியீட்டு உரிமைக்கான விலை அதிகமாக நிர்ணயிக்கப்பட்டுள்ளதாம். சுமார் 100 கோடி வரை வியாபாரம் நடைபெற வாய்ப்புள்ளதாக கோலிவுட் வட்டாரங்கள் தெரிவிக்கின்றன.

விஜய்யின் முந்தைய பட வியாபார விலையை 'லியோ' முறியடிப்பதோடு வசூலையும் முறியடிக்கும் என வினியோகஸ்தர்களும், தியேட்டர்காரர்களும் எதிர்பார்க்கிறார்களாம்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி