Dinamalar

தயாரிப்பிலும் தடம் பதிப்பாரா தோனி ?

இந்திய கிரிக்கெட் உலகில் தனக்கென தனி தடம் பதித்தவர் மகேந்திர சிங் தோனி. இந்திய கிரிக்கெட் அணி முதல் டி 20 உலகக் கோப்பையை வெல்லக் காரணமானவர். ஒரு நாள் உலகக் கோப்பைத் தொடரை இரண்டாவது முறையாக வென்று சாதனை படைத்தவர். பிரிமியர் லீக் கிரிக்கெட் போட்டிகளிலும் அவரது தலைமையிலான சென்னை சூப்பர் கிங்ஸ் அணி ஐந்து முறை கோப்பையை வெல்லக் காரணமாக இருந்தவர். சர்வதேச கிரிக்கெட் போட்டிகளில் இருந்து அவர் ஓய்வு பெற்று மூன்று ஆண்டுகள் ஆகிவிட்டாலும் இன்னமும் கிரிக்கெட் உலகில் பிரபலங்களில் முன்னிலையில் உள்ளார்.

கிரிக்கெட் தவிர்த்து கால்பந்து கிளப் அணி, ஹாக்கி கிளப் அணி ஆகியவற்றில் இணை உரிமையாளராக உள்ளார். அடுத்து தோனி என்டர்டெயின்மென்ட் என்ற பொழுதுபோக்கு கம்பெனியை சில வருடங்களுக்கு முன்பு ஆரம்பித்தார். அவரது முதல் தயாரிப்பாக அவரைப் பற்றிய 'ரோர் ஆப் த லயன்' என்ற வெப் தொடரைத் தயாரித்தார். அடுத்து தமிழில் முழு நீளத் திரைப்படத்தைத் தயாரிக்கும் திட்டத்தில் இறங்கினார். தனது இரண்டாவது வீடு என சென்னையை மனதார நேசிக்கும் தோனி தனதுமுதல் படத் தயாரிப்பு தமிழில்தான் அமைய வேண்டும் என்று உறுதியாக இருந்தார்.

அவரது தயாரிப்பில் அறிமுக இயக்குனர் ரமேஷ் தமிழ்மணி இயக்கத்தில், ஹரிஷ் கல்யாண், இவானா, நதியா, யோகி பாபு மற்றும் பலர் நடிக்கும் 'எல்ஜிஎம்' படம் இந்த வாரம் ஜுலை 28ம் தேதி வெளியாக உள்ளது. தோனியின் முதல் தயாரிப்பாக வெளிவர உள்ள இந்தப் படத்தின் வெற்றிதான் அவர் அடுத்தடுத்து பல மொழிகளில் படங்களைத் தயாரிக்க உந்துதலாக இருக்கப் போகிறது. தோனியை நேசிக்கும் ரசிகர்கள் அவர் தயாரிக்கும் படத்தையும் நேசிப்பார்களா ?. இன்னும் சில தினங்களில் அதற்கான விடை கிடைத்துவிடும்.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  '3 பிஎச்கே' முதல் 'தம்முடு' வரை: இந்த வார ஓடிடி ரிலீஸ் என்னென்ன?
• 
  ரிஷப் ஷெட்டியின் புதிய படத்தின் அப்டேட்!
• 
  சென்னை கல்லூரி சாலை நடிகர் ஜெய்சங்கர் சாலை ஆகிறது
• 
  மீண்டும் இணையும் பாண்டிராஜ், விஜய் சேதுபதி கூட்டணி!
• 
  சரியான நேரம் அமையும் போது சூர்யாவை வைத்து படம் இயக்குவேன் -லோகேஷ் கனகராஜ்!