Dinamalar

'ப்ரோ' - தெலுங்கில் பெயர் வாங்குவாரா சமுத்திரக்கனி?

சமுத்திரக்கனி இயக்கத்தில் தம்பி ராமையா, சமுத்திரக்கனி மற்றும் பலர் நடித்து ஒடிடி தளத்தில் வெளிவந்து வரவேற்பைப் பெற்ற படம் 'விநோதய சித்தம்'. இப்படத்தைத் தெலுங்கில் பவன் கல்யாண், சாய் தரம் தேஜ் நடிக்க 'ப்ரோ' என்ற தலைப்பில் இயக்கியுள்ளார் சமுத்திரக்கனி. இந்த வாரம் ஜுலை 28ம் தேதி இப்படம் வெளியாகிறது. இப்படத்தின் டிரைலர் நேற்று முன்தினம் மாலை யு டியூபில் வெளியானது.

24 மணி நேரத்தில் 19.25 மில்லியன் பார்வைகளைப் பெற்று பவன் கல்யாணின் முந்தைய சாதனைகளை முறியடித்துள்ளது. இதற்கு முன்பு பவன் கல்யாண் நடித்து வெளிவந்த 'வக்கீல் சாப்' திரைப்படத்தின் டிரைலர் 24 மணி நேரத்தில் 18.05 மில்லியன் பார்வைகளைப் பெற்றதே அவரது சாதனையாக இருந்தது. அதை 'ப்ரோ' டிரைலர் முறியடித்துள்ளது.

சமுத்திரக்கனி தெலுங்கில் நடிகராக வெற்றி பெற்றுவிட்டார். ஆனால், அவரது இயக்கத்தில் வெளிவந்த தெலுங்குப் படங்களான “சம்போ சிவ சம்போ, ஜன்ட பை கபிராஜு' ஆகிய படங்கள் தோல்வியைத் தழுவின. 'நாடோடிகள்' படத்தின் தெலுங்கு ரீமேக் தான் 'சம்போ சிவ சம்போ'. 'ஜன்ட பை கபிராஜு' படம் தமிழில் ஜெயம் ரவி நடித்த 'நிமிர்ந்து நில்' படத்தின் ரீமேக்.

'ப்ரோ' டிரைலருக்குக் கிடைத்துள்ள வரவேற்பைப் பார்த்து இப்படம் மூலம் தெலுங்கில் இயக்குனராக சமுத்திரக்கனி வெற்றி பெற்றுவிடுவார் என டோலிவுட் வட்டாரங்களில் இப்போது சொல்ல ஆரம்பித்துவிட்டார்களாம்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு