Dinamalar

வியாபாரத்தில் விஜய்யை எட்டிப் பிடித்த கமல்!

அஜித் நடிப்பில் நேர்கொண்ட பார்வை, வலிமை, துணிவு போன்ற படங்களை இயக்கிய எச்.வினோத், அடுத்து கமல் நடிக்கும் படத்தை இயக்கப் போகிறார். இந்த படத்தை ராஜ்கமல் பிலிம்ஸ் இன்டர்நேஷனல் தயாரிக்கிறது. தற்போது அப்படத்தின் ஆரம்பகட்ட பணிகள் நடைபெற்று வரும் நிலையில், செப்டம்பர் மாதம் படப்பிடிப்பு தொடங்க உள்ளது. ஆனால் இந்த படம் குறித்த அறிவிப்பே இன்னும் வெளியாகாத நிலையில் நெட்ப்ளிக்ஸ் நிறுவனம் கமல் - எச்.வினோத் இணையும் அப்படத்தின் டிஜிட்டல் உரிமையை 125 கோடி ரூபாய்க்கு வாங்கி உள்ளதாக ஒரு தகவல் வெளியாகி இருக்கிறது.

லோகேஷ் கனகராஜ் இயக்கத்தில் விஜய் நடித்து வரும் லியோ படத்தின் டிஜிட்டல் உரிமையையும் இதே நெட்ப்ளிக்ஸ் நிறுவனம் 125 கோடிக்கு தான் வாங்கி உள்ளது என்பது குறிப்பிடத்தக்கது. அந்த வகையில் லோகேஷ் கனகராஜ் இயக்கத்தில் நடித்த விக்ரம் படம் கமலுக்கு ஒரு கம்பேக் படமாக அமைந்த நிலையில், தற்போது வியாபாரத்தில் விஜய் படத்துடன் போட்டி போடும் அளவுக்கு கமலின் மார்க்கெட் எகிறி விட்டதையே இது வெளிப்படுத்துகிறது.

• இவரை பற்றி
• செய்திகள்
• ஆல்பம்