Dinamalar

அஜித் 62 குழுவுக்கு வாழ்த்து சொன்ன விக்னேஷ் சிவன், ரசிகர்கள் நெகிழ்ச்சி

தமிழ் சினிமாவில் உள்ள இயக்குனர்கள் பலருக்கும் ரஜினிகாந்த், கமல்ஹாசன், விஜய், அஜித் ஆகியோரை இயக்க வேண்டும் என்ற ஒரு ஆசை இருக்கும். அப்படி இயக்கக் கிடைத்த வாய்ப்பு நிறைவேறாமல் போனால் அது மிகப் பெரும் ஏமாற்றத்தைத் தரும் என்பது மறுக்க முடியாதது.

அஜித்தின் 62வது படத்தை விக்னேஷ் சிவன் இயக்கப் போவதாக கடந்த வருடம் மார்ச் மாதம் 18ம் தேதி செய்திக் குறிப்பு மூலம் அதிகாரப்பூர்வமாக வெளியிட்டார்கள். அஜித்தின் 'துணிவு' படம் வெளியானதுமே அஜித்தின் 62வது படத்தை விக்னேஷ் சிவன் இயக்கப் போவதில்லை என செய்திகள் வெளிவந்தன. அதைத் தொடர்ந்து தனது டுவிட்டர் தளத்தில் அஜித்தின் 62வது பட இயக்குனர் என்பதையும் நீக்கி அதை விக்னேஷ் சிவன் உண்மையாக்கினார்.

இருந்தாலும் அஜித்தின் 62வது படத்தை விக்னேஷ் சிவன் இயக்கப் போவதில்லை என்று எந்த ஒரு முறையான அறிவிப்பும் இதுவரை வெளியாகவில்லை. இதனிடையே, அஜித்தின் 62வது படமாக 'விடாமுயற்சி' பட அறிவிப்பை வெளியிட்டனர். படத்தை மகிழ்திருமேனி இயக்கப் போகிறார் என்று வந்த தகவல்களும் உண்மையானது.

இந்நிலையில் 'விடாமுயற்சி' குழுவினருக்கு தனது வாழ்த்துகளைத் தெரிவித்துள்ளார் விக்னேஷ் சிவன். “இனிய பிறந்தநாள் வாழ்த்துகள் அஜித் சார். உங்கள் மகிழ்ச்சியே எங்களுக்கு எல்லாம். எந்த நிபந்தனையும் இல்லாத அன்பு என்றும் நிரந்தரம். 'விடாமுயற்சி, அஜித் 62, மகிழ்திருமேனி சார், அனிருத், நீரவ் சார், லைக்கா, சுரேஷ் சந்திரா ஆகியோருக்கு வாழ்த்துகள்,” எனக் கூறியுள்ளார்.

அவருடைய இந்த வாழ்த்திற்கு அஜித் ரசிகர்கள் லைக்குகளையும், கமெண்ட்டுகளையும் அள்ளிக் கொடுத்து பாராட்டி வருகிறார்கள்.

• 
  அஜித் தோவல் வேடத்தில் மாதவன்
• 
  ரன்வீர் சிங் ஜோடியான சாரா அர்ஜுன்
• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2

• 
  முதல் படத்திலேயே அதிர்ச்சி தோல்வியை சந்தித்த சூர்யா சேதுபதி
• 
  டாக்சிக் படத்தில் இணைந்த அனிருத்
• 
  ‛இவன் தந்திரன் 2'ம் பாகம் படப்பிடிப்பு துவங்கியது
• 
  பூரி ஜெகன்னாத் படத்தில் விஜய் சேதுபதி; ஹைதராபாத்தில் துவங்கியது ...
• 
  தயாரிப்பாளர் கே.ஜே.ஆர் ராஜேஷின் கதாநாயகனாக 2வது பட அறிவிப்பு