Dinamalar

சர்ச்சில் ரொமான்ஸ்: ஜான்வி கபூர் படத்திற்கு எதிர்ப்பு

ஜான்வி கபூர், சித்தார்த் மல்ஹோத்ரா நடித்துள்ள இந்தி படம் 'பரம் சுந்தரி'. துஷர் ஜாலோட்டா இயக்கி உள்ள இந்த படத்திற்கு சச்சின் ஜிஹர் இசை அமைத்துள்ளார். சஞ்சய் கபூர், ரஞ்சி பணிக்கர், மன்ஜத் சிங் ஆகியோர் முக்கிய வேடங்களில் நடித்துள்ளார். கேரளாவை கதை களமாக கொண்டு உருவாகி உள்ள இந்த படம் வருகிற 29ம் தேதி வெளியாகிறது.

இந்த நிலையில் படத்தின் டிரைலர் சமீபத்தில் வெளியானது. இதில் நாயகனும், நாயகியும் கிறிஸ்தவ தேவாலயத்திற்குள் ரொமான்ஸ் செய்வது போன்ற காட்சிகள் இடம்பெற்றது. இதற்கு பல கிறிஸ்தவ அமைப்புகள் கடும் எதிர்ப்பு தெரிவித்து வருகிறது.

வாட்ச்டாக் அறக்கட்டளை என்ற அமைப்பு, கத்தோலிக்க சமூகத்தின் உணர்வுகளைப் புண்படுத்தியதாகக் கூறி, அக்காட்சியினை படத்தில் இருந்து மட்டுமல்லாமல், டிரைலர் மற்றும் பாடல்கள் உள்ளிட்ட அதன் விளம்பரப்படுத்தும் அனைத்திலிருந்தும் நீக்க வேண்டும் என்று கேட்டுக்கொண்டுள்ளது. அப்படி நீக்க தவறினால் போராட்டம் நடத்துவோம் என்றும் எச்சரித்துள்ளது.

இது தொடர்பாக, மும்பை காவல்துறை, மத்திய திரைப்படச் சான்றிதழ் வாரியம், தகவல் மற்றும் ஒளிபரப்புத் துறை அமைச்சகம் மற்றும் மஹாராஷ்டிரா அரசுக்கு அந்த அமைப்பு கடிதம் எழுதியுள்ளதாகக் கூறப்படுகிறது. அந்த கடிதத்தில் பட தயாரிப்பாளர், இயக்குநர் மற்றும் நடிகர்கள் உள்ளிட்டோர் மீது வழக்கு பதிவு செய்ய வேண்டும் என கோரிக்கை வைத்துள்ளதாக கூறப்படுகிறது. இதுதவிர படத்தில் மலையாளியாக நடித்துள்ள ஜான்வி கபூர் பேசும் மலையாளத்திற்கும் கடும் எதிர்ப்பு கிளம்பி உள்ளது.

• இவரை பற்றி
• செய்திகள்
• ஆல்பம்
• வந்த படங்கள்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்