Dinamalar

பேண்டஸி படமாக 'விஸ்வம்பரா'

சிரஞ்சீவி தற்போது நடித்து வரும் படம் 'விஸ்வம்பரா'. வசிஷ்டா இயக்கும் இந்த படத்திற்கு கீரவாணி இசை அமைத்துள்ளார். சோட்டா கே.நாயுடு ஒளிப்பதிவு செய்துள்ளார். இதில் திரிஷா நாயகியாக நடிக்கிறார். இவருடன் ஆஷிகா ரங்கநாத் மற்றும் குணால் கபூர் ஆகியோர் முக்கிய வேடங்களில் நடிக்கின்றனர்.

சிரஞ்சீவியின் பிறந்தநாளை முன்னிட்டு படத்தின் இரண்டாவது முன்னோட்ட வீடியோ வெளியிடப்பட்டுள்ளது. ஒரு குழந்தையிடம் கதை சொல்லும் வாய்ஸ் ஓவரில் ஓடத் தொடங்கும் இந்த டீசரில் பழங்காலத்தில் நடந்த ஒரு யுத்தத்தை பற்றி சொல்லப்படுகிறது.

பேண்டஸி, ஆன்மீகம், போர் ஆகியவை கலந்து காட்சிகள் இடம்பெறுகிறது. ஒரு கற்பனையான ராஜ்யத்தில் ஒரு இனமே அழிக்கப்படுகிறது. அதில் தப்பி பிழைக்கும் நாயகன் தன் இனத்தை அழித்தவர்களை பழிவாங்குவது மாதிதிரியான கதை அமைப்பை டீசர் சொல்கிறது.

டீசர் முழுக்க வன்முறை காட்சிகள் இடம் பெற்றுள்ளது. வெட்டப்பட்டு துண்டாக பறந்து செல்லும் கை, மார்பை துளைத்து முதுகு வழியாக வெளியே வரும் ஈட்டி. சிரஞ்சீவியின் கையில் இருக்கும் கண் என ஒரு நிமிட வீடீயோவிலேயே ரத்தம் தெறிக்கிறது. சிரஞ்சீவிக்கான மாஸ் அறிமுகமும், கீரவாணியின் விறுவிறுப்பான இசையும் டீசரை ரசிக்க வைக்கிறது. முதல் டீசர் கேலிக்கு ஆளான நிலையில் இந்த டீசர் ஆறுதல் படுத்துவதாக உள்ளது.
அடுத்த ஆண்டு கோடை விடுமுறையில் தமிழ், தெலுங்கு, மலையாளம், கன்னடம் மற்றும் இந்தி ஆகிய மொழிகளில் படம் வெளியாகிறது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1