Dinamalar

கைமாறிய அருண் விஜய் படம் : தலைப்பும் மாற்றம்

லைகா நிறுவனம் பொன்னியின் செல்வன், இந்தியன் 2 போன்ற பிரமாண்ட படங்களையும், பல மீடியம் பட்ஜெட் படங்களையும் தயாரித்து வருகிறது. இந்த நிலையில் தற்போது ஏ.எல்.விஜய் இயக்கத்தில் அருண் விஜய், எமி ஜாக்சன் நடித்து வரும் 'அச்சம் என்பது இல்லையே' படத்தின் முழு உரிமையையும் இந்நிறுவனம் வாங்கி உள்ளது. மேலும் பட தலைப்பும் 'மிஷன் சாப்டர் 1' என பெயர் மாற்றம் செய்து கீழே ச உப தலைப்பாக 'அச்சம் என்பது இல்லையே' என வைத்துள்ளனர். இந்த படத்தை எம்.ராஜசேகர், எஸ்.சுவாதி தயாரித்தனர்.

இந்த படத்தை 70 நாட்களில் ஏ.எல்.விஜய் சென்னை மற்றும் லண்டனில் இதன் படப்பிடிப்பை முடித்துள்ளார். நீண்ட இடைவெளிக்குப் பிறகு எமி ஜாக்சன் இந்தப் படத்தின் மூலம் திரைக்கு வருகிறார். மலையாளத் திரையுலகில் தனது நடிப்புத் திறனுக்கு பல பாராட்டுகளைப் பெற்ற நிமிஷா சஜயனும் இந்தப் படத்தில் நடிக்கிறார். அபி ஹாசன், பரத் போபண்ணா, பேபி இயல், விராஜ் எஸ், ஜேசன் ஷா மற்றும் பலர் நடித்துள்ளனர். லண்டன் சிறையில் வாடும் தவறாக தண்டிக்கப்பட்ட கைதிகளை மீட்கிற கதை. ஜீ.வி.பிரகாஷ் இசை அமைத்துள்ளார், சந்தீப் கே.விஜய் ஒளிப்பதிவு செய்துள்ளார். அதிரடி ஆக் ஷன் படமாக உருவாகி உள்ளது. தமிழ், மலையாளம், தெலுங்கு, கன்னடம் ஆகிய 4 மொழிகளில் வெளியாக உள்ளது.

• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி

• 
  பெண் குழந்தைக்கு அப்பாவான பிரேம்ஜி அமரன்
• 
  டிச., 8ல் துவங்கும் சூர்யா 47 பட படப்பிடிப்பு
• 
  தயாரிப்பாளர் சங்கத் தேர்தலில் கடும் போட்டி
• 
  ஏகனுக்கு ஜோடியாக இரண்டு நாயகிகள்
• 
  ஒரு வாரம் தள்ளிப்போகும் ‛வா வாத்தியார்'