Dinamalar

மாமன்னன் டப்பிங்கை துவங்கிய வடிவேலு

தமிழ் சினிமாவில் கிட்டத்தட்ட 20 ஆண்டுகள் தொடர்ந்து நகைச்சுவை புயலாக வலம் வந்தவர் நடிகர் வடிவேலு. இடையில் அரசியல் பிரச்னையில் சிக்கிக்கொண்ட காரணத்தால் பட வாய்ப்புகளை இழந்தார். கடந்த பத்து ஆண்டுகளாக அவரது நடிப்பில் பத்துக்கும் குறைவான படங்களை வெளியாகி உள்ளன. இதில் அவர் கதாநாயகனாக நடித்த படங்களும் விஜய், விஷால், ராகவா லாரன்ஸ் ஆகியோருடன் காமெடி நடிகராக இணைந்து நடித்த படங்களும் அவருக்கு பெரிய அளவில் கை கொடுக்கவில்லை.

சில மாதங்களுக்கு முன்பு அவர் ஹீரோவாக நடித்து வெளியான நாய் சேகர் ரிட்டன்ஸ் படத்தை அவர் பெரிதும் எதிர்பார்த்தார். அந்த படமும் தோல்வியை தழுவியது. இந்த நிலையில் தற்போது மாரி செல்வராஜ் இயக்கத்தில் உதயநிதி ஸ்டாலின் கதாநாயகனாக நடித்துள்ள மாமன்னன் திரைப்படத்தில் மீண்டும் ஒரு முக்கியமான நகைச்சுவை கலந்த குணச்சித்திர கதாபாத்திரத்தில் நடித்துள்ளார் வடிவேலு.

மாரி செல்வராஜ் நகைச்சுவை நடிகர்களையும் அழகான குணச்சித்திர நடிகர்களாக மாற்றக்கூடியவர் என்பதால் இந்த படத்தில் வடிவேலுவின் கதாபாத்திரமும் நிச்சயம் பேசப்படும் விதமாகவும் ரசிகர்களை கவரும் விதமாகவும் இருக்கும் என்றும் எதிர்பார்க்கப்பட்டு வருகிறது.

இந்த நிலையில் தற்போது இந்த படத்தில் தனக்கான டப்பிங்கை துவங்கியுள்ளார் வடிவேலு. இது குறித்த புகைப்படங்கள் தற்போது சோசியல் மீடியாவில் வெளியாகி உள்ளன. இந்த படமாவது வடிவேலுவின் திரையுலக பயணத்தில் புதிய மாற்றத்தை கொண்டு வரும் என எதிர்பார்க்கலாம்.

• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்

• 
  ‛குட் டே' முதல் ‛ஜேஎஸ்கே' வரை: இந்த வார ஓடிடி ரிலீஸ் என்னென்ன?
• 
  புரமோஷன் மேடையில் கண்கலங்கிய அனுபமா பரமேஸ்வரன்
• 
  இப்ப மிருணாள் தாக்கூர் தான் ஹாட்
• 
  என் இதயம் நொறுங்கிவிட்டது : நாய்களுக்காக கண்ணீர் விட்டு கதறிய நடிகை சதா
• 
  தர்ஷனுக்கு வழங்கிய ஜாமின் ரத்து : சுப்ரீம் கோர்ட் உத்தரவு