Dinamalar

பிளாஷ்பேக் : தங்கை கேரக்டரில் அதிகம் நடித்த நடிகை

1986ம் ஆண்டு வெளிவந்த 'கோடை மழை' படம் பற்றி பலருக்கு தெரியாது. ஆனால் அதில் நடித்த 'கோடை மழை வித்யா'வை தெரியும். சுனிதா என்ற இயற்பெயர் கொண்ட இவர் கோடை மழையில் வித்யா என்ற கேரக்டரில் நடித்ததால் அந்த பெயராலேயே சினிமாவில் அறியப்பட்டார். பத்மினி, ராகினி, ஷோபனா வரிசையில் நடனத்திற்காக அதிகம் அறியப்பட்ட நடிகை வித்யா.

11 வயதில் இவரது பரதநாட்டிய அரங்கேற்றம் சென்னையில் நடந்தது. அந்த நடன நிகழ்ச்சிக்கு இயக்குனர் முக்தா சீனிவாசன் வந்திருந்தார். அப்போது அவர் 'கோடை மழை' படத்தை இயக்கும் யோசனையில் இருந்தார். பரதநாட்டியத்தை அடிப்படையாக கொண்ட அந்த படத்திற்கு இவர்தான் சரியான தேர்வு என்று வித்யாவை சினிமாவுக்கு அழைத்து வந்தார்.

ஆனால் சினிமாவில் நடிப்பதற்கு வித்யாவின் குடும்பத்தினர் எதிர்ப்பு தெரிவித்தனர். பின்னர் இது நடனம் தொடர்பான படம் என்று புரிய வைத்து சம்மதம் பெற்றனர். ஒரு படத்தோடு சினிமாவை விட்டு விலகி விட வேண்டும் என்ற நிபந்தனையோடு நடிக்க வந்தவர். பின்னாளில் தென்னிந்தியாவின் முன்னணி நடிகை ஆனார்.

முதல் படத்திலேயே லட்சுமி, ஸ்ரீப்ரியா என சீனியர் நடிகைகளுடன் நடித்தார். 11 வயதிலேயே நடிக்க வந்து விட்டதால் முன்னணி ஹீரோக்கள் படத்தில் நடித்தாலும் தங்கை, மகள் கேரக்டரிலேயே அதிகம் நடித்தார். பிற்காலத்தில் முன்னணி நடிகர்களுக்கு ஜோடியாக நடித்தவர் ஒரு கட்டத்தில் தொலைக்காட்சி தொடர்களிலும் நடித்தார்.

பின்னர் ராஜ் என்பவரை திருமணம் செய்து கொண்ட வித்யா அமெரிக்காவில் செட்டிலாகி அங்கு நடன பள்ளி நடத்தி வருகிறார்.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  இன்பன் உதயநிதி ஹீரோவாகும் படம் : மாரி செல்வராஜ் இயக்குகிறாரா?
• 
  இந்த வார ஓடிடி ரிலீஸ்...... நீங்கள் எதிர்பார்த்த 'வார்-2' முதல் 'பாம்' ...
• 
  ஜட்ஜ் ஆக நடிக்கும் சோனியா அகர்வால்
• 
  புதிய இசை நிறுவனம் தொடங்கிய ஐசரி கணேஷ்
• 
  ராட்சசன், ஆர்யன் இரண்டும் வேறு வேறு கதை களம்: விஷ்ணு விஷால்