Dinamalar

மற்றுமொரு சர்வதேச விருது பெற்ற ஆர்ஆர்ஆர்

எஸ்.எஸ்.ராஜமவுலி இயக்கத்தில் ஜூனியர் என்.டி.ஆர், ராம்சரண், ஆலியா பட் நடித்து தமிழ், தெலுங்கு, இந்தி, கன்னடம், மலையாள மொழிகளில் பான் இந்தியா படமாக வெளியான ஆர்ஆர்ஆர் படம் உலக அளவில் பல்வேறு சாதனைகளை படைத்து வருகிறது. இந்த படம் ஏற்கனவே பல்வேறு சர்வதேச விருதுகளை வென்றுள்ளது.

படத்தில் இடம்பெற்ற நாட்டு நாட்டு பாடல் கோல்டன் குளோப் விருதை பெற்றது. தற்போது ஆஸ்கார் விருதுக்கான இறுதி பரிந்துரை பட்டியலில் நாட்டு நாட்டு பாடல் இடம்பெற்று உள்ளது. 90 சதவிகிதம் ஆஸ்கர் விருது பெறும் வாய்ப்புடன் உள்ளது.

இந்த நிலையில் ஆர்ஆர்ஆர் படத்துக்கு இன்னொரு சர்வதேச விருதான கோல்டன் டொமேட்டோ விருது கிடைத்துள்ளது. ஹாலிவுட்டை சேர்ந்த ரோட்டன் டொமெட்டோஸ் அமைப்பு ஒவ்வொரு படத்துக்கும் ரசிகர்களின் ரேட்டிங் கொடுக்கும். அதுபோல் சிறந்த படங்களுக்கு கோல்டன் டொமேட்டோ விருதையும் அறிவிக்கும்.

இந்த அமைப்பு நடத்திய வாக்கெடுப்பில் ஆர்ஆர்ஆர் படம் முதல் இடத்தை பிடித்தது. 2 வது இடம் டாப் கன் படத்துக்கும், 3-வது இடம் எவரிதிங் எவரிவேர் ஆல் அட் ஒன்ஸ் படத்துக்கும், 4-வது இடம் த பேட்மேன் படத்துக்கும், ஐந்தாவது இடம் அவதார் 2 படத்துக்கும் கிடைத்துள்ளன. ஹாலிவுட் படங்களை பின்னுக்கு தள்ளி மற்றுமொரு சர்வதேச விருதை பெற்றுள்ளது ஆர்ஆர்ஆர்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  டிச., 27ல் மலேசியாவில் ‛ஜனநாயகன்' இசை வெளியீடு
• 
  டிசம்பர் 12ல் ரஜினி பிறந்தநாளில் ரீ ரிலீஸ் ஆகும் அண்ணாமலை
• 
  ராஜமவுலிக்கு ஆதரவாக குரல் கொடுத்த ராம் கோபால் வர்மா
• 
  பிரபல எழுத்தாளர் உடன் கைகோர்க்கும் சந்தானம்
• 
  அஞ்சான் படத்தின் நீளத்தை குறைத்த லிங்குசாமி