Dinamalar

ஆதிபுருஷ் படத்தில் ஹிந்து மதத்தை புண்படுத்துவதா: பிரபாசுக்கு சினிமா தொழிலாளர் சங்கம் நோட்டீஸ்

பிரபாஸ் நடித்துள்ள படம் ஆதி புருஷ். இந்த படம் தெலுங்கு, ஹிந்தி, தமிழ், மலையாளம், கன்னடம் மொழிகளில் தயாராகி உள்ள இந்த படம் அடுத்த ஆண்டு ஜனவரி 12ம் தேதி வெளிவர இருப்பதாக அறிவிக்கப்பட்டுள்ளது. ராமாயணத்தை தழுவி உருவாகி வரும் இந்த படத்தில், ராமர் வேடத்தில் பிரபாஸ், சீதையாக கீர்த்தி சனோன், ராவணனாக சைப் அலிகான் நடித்துள்ளனர்.

இந்த படத்தின் டீசர் சமீபத்தில் வெளியிடப்பட்டது. இதில் கிராபிக்ஸ் பணிகள் மிகவும் மட்டமாக இருப்பதாக விமர்சனங்கள் எழுந்ததோடு ஹிந்து மத கடவுள்கள் அதன் தன்மைக்கு மாறாக சித்தரிக்கப்பட்டுள்ளதாக குற்றச்சாட்டு எழுந்தது. அமைதியே உருவான ராமரை கோபம் கொண்டவராகவும், அனுமனை கொடூர கொரில்லா குரங்காகவும் சித்தரித்திருப்பதாகவும் கூறப்பட்டது.

இந்த படம் ஹிந்து மதத்துக்கு எதிராகவும் ஹிந்துக்களை புண்படுத்தும் வகையிலும் அமைந்திருப்பதாக அயோத்தி ராமர் கோயில் தலைமை குரு சத்தியேந்திர தாஸ் கண்டனம் தெரிவித்தார். இந்த படத்துக்கு தடை விதிக்க வேண்டும் என்றும் கோரினார்.
இந்நிலையில் படத்தில் நடித்துள்ள பிரபாஸ், தயாரிப்பாளர், இயக்குனர் ஓம் ராவத் ஆகியோருக்கு தேசிய சினிமா தொழிலாளர்கள் கூட்டமைப்பு வழக்கறிஞர் மூலம் நோட்டீஸ் அனுப்பி உள்ளது. அந்த நோட்டீசில் 'ஹிந்துக்களை புண்படுத்தி இந்த படம் உருவாகி இருப்பதாகவும் இதை கைவிட வேண்டும்' என்று குறிப்பிடப்பட்டுள்ளது.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்