Dinamalar

11 ஆண்டுகளுக்குப் பிறகு தெலுங்கில் வெளியிடப்பட்ட தனுஷின் 3 படம்!

ஐஸ்வர்யா ரஜினி இயக்கத்தில் தனுஷ் - ஸ்ருதிஹாசன் இணைந்து நடித்த படம் 3. அனிருத் இசையமைப்பாளராக அறிமுகமான இந்த படத்தில் இடம்பெற்ற ஒய் திஸ் கொலைவெறி என்ற பாடல் மிகப்பெரிய ஹிட் அடித்தது. இந்த படத்தின் முதல் பாதியில் இப்போது ஹீரோவாக இருக்கும் சிவகார்த்திகேயன் தனுஷின் நண்பராக காமெடி வேடத்தில் நடித்திருந்தார். இந்த நிலையில் தற்போது தெலுங்கில் வாத்தி என்ற படத்தில் நடித்து வருகிறார் தனுஷ்.

இப்படம் விரைவில் திரைக்கு வர இருக்கும் நிலையில் தற்போது, 11 ஆண்டுகளுக்கு முன்பு தனுஷ், ஸ்ருதிஹாசன் இணைந்து நடித்த 3 படத்தை தெலுங்கில் டப் செய்து வெளியிட்டுள்ளார்கள். அப்படி வெளியிடப்பட்ட இந்த படம் 200 காட்சிகளுக்கு மேல் ஹவுஸ்புல்லாக ஓடிக் கொண்டிருப்பதாக தகவல்கள் வெளியாகி உள்ளன. இப்படி தெலுங்கில் தான் நேரடியாக நடித்த வாத்தி படம் திரைக்கு வருவதற்கு முன்பே, 11 ஆண்டுகளுக்கு முன்பு தமிழில் தான் நடித்த திரைப்படத்திற்கு தெலுங்கு ரசிகர்களிலேயே வரவேற்பு ஏற்பட்டிருப்பது தனுஷுக்கு மட்டுமின்றி வாத்தி பட குழுவிற்கும் உற்சாகத்தை கொடுத்திருக்கிறது.

• இவரை பற்றி
• செய்திகள்
• ஆல்பம்