Dinamalar

மிகக் குறைந்த ரேட்டிங்கில் 'லைகர்'

சமூக வலைத்தளங்களின் தாக்கம் சினிமாத் துறையில் அதிகமான பிறகு 'பெய்டு பிரமோஷன்' என்பது அதிகமாகிவிட்டது. டுவிட்டர், பேஸ்புக், இன்ஸ்டாகிராம் போன்ற தளங்களில் அதிக பாலோயர்களை வைத்திருக்கும் 'சினிமா டிராக்கர்ஸ்' எனப்படும் தனி நபர்களிடம் பணம் கொடுத்து படங்களை பிரமோஷன் செய்ய வைக்கிறார்கள். முன்பெல்லாம் அவற்றை நிஜம் என நினைத்த ரசிகர்கள் தற்போதுதான் தெளிவடைந்துள்ளனர். வருமானம் வருவதற்காக மோசமான படங்களைக் கூட நல்ல படங்கள் பார்க்கலாம் என சொல்ல ஆரம்பித்திருப்பதை ரசிகர்கள் புரிந்து கொண்டுவிட்டார்கள்.

அந்த விதத்தில் தற்போது 'லைகர்' படத்தை எப்படியாவது வசூலில் பிளாக் பஸ்டர் எனக் காட்ட வேண்டும் என படக்குழுவினர் கடுமையாக பிரமோஷன் செய்து வருகின்றனர். படத்திற்கு ரசிகர்கள் மத்தியில் வரவேற்பு இல்லை. படம் மிகவும் மோசம் என்றுதான் அவர்களும், விமர்சகர்களும் தெரிவிக்கிறார்கள். இருந்தாலும் படத்தில் இருக்கும் ஓரிரு நிறைவான விஷயங்களை வைத்து 'பெய்டு பிரமோஷன்' நடந்து வருகிறது என பாலிவுட்டில் தெரிவிக்கிறார்கள்.

இந்நிலையில் தங்களது படங்களுக்கு திரைப்படங்களை ரேட்டிங் செய்வதில் உலக அளவில் பிரபலமான 'ஐஎம்டிபி' வெப்சைட்டில் 'லைகர்' படத்திற்கு ரசிகர்கள் வெறும் 1.7 ரேட்டிங்கை மட்டுமே கொடுத்துள்ளார்கள். அந்த ரேட்டிங்கும் 5ற்கு அல்ல 10ற்கு. சமீப காலங்களில் மிக மோசமான ரேட்டிங்கை வாங்கியுள்ள படமாக 'லைகர்' இருக்கிறது. இந்த ரேட்டிங்கில் இதுவரை 17000 பேர் வரை கலந்து கொண்டுள்ளனர். அவர்களில் 76 சதவீதத்திற்கும் மேற்பட்டோர் 1 ரேட்டிங் மட்டுமே வழங்கியுள்ளனர்.

விஜய் தேவரகொண்டா ரசிகர்களும், படத்தின் தயாரிப்பாளர், இயக்குனர் ஏனைய குழுவினர்களும் களத்திற்கு இறங்கி இந்த ரேட்டிங்கை உயர்த்தினால்தான் கொஞ்சமாவது ஏறுவதற்கு வாய்ப்புள்ளது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு