Dinamalar

100 மில்லியன் சாதனையைப் படைத்த 'ஓ சொல்றியா மாமா'...

'புஷ்பா' படத்தில் இடம் பெற்ற 'ஓ சொல்றியா மாமா' பாடல் யு டியூபில் 100 மில்லியன் சாதனையைக் கடந்து சாதனை படைத்துள்ளது. தேவிஸ்ரீபிரசாத் இசையமைத்துள்ள இப்பாடலுக்கு முன்னணி கதாநாயகியான சமந்தா கவர்ச்சிகரமான நடனமாடினார். பாடலும், நடனமும் ஹிட்டாகி ரசிகர்களை தியேட்டர்களில் ஆட வைத்துள்ளது.

வெளியீட்டிற்கு முன்பு சர்ச்சையை ஏற்படுத்தியதும் இப்பாடலை அதிகம் பார்க்க வைத்துள்ளது. தெலுங்கில் இப்பாடல் 63 மில்லியன் பார்வைகளையும், தமிழில் 16 மில்லியன், ஹிந்தியில் 12 மில்லியன், கன்னடத்தில் 6 மில்லியன், மலையாளத்தில் 2 மில்லியன் பார்வைகளையும் கடந்துள்ளது.

தமிழில் இப்பாடலை விவேகா எழுத நடிகை ஆண்ட்ரியா பாடியுள்ளார். இப்பாடல் இந்த அளவுக்கு வரவேற்பு பெற்றுள்ளது குறித்து சமந்தா, “நல்லவளாக நடித்திருக்கிறேன், கெட்டவளாக நடித்திருக்கிறேன், ஜாலியாக, சீரியசாக இருந்திருக்கிறேன், தொகுப்பாளராகவும் இருந்திருக்கிறேன். நான் எடுத்துக் கொள்வதை சிறப்பாகச் செய்ய கடினமாக உழைப்பேன். ஆனால், 'செக்சி' ஆக நடிப்பதென்பது அடுத்த கட்ட கடின உழைப்பு. உங்கள் அன்புக்கு நன்றி” எனக் குறிப்பிட்டுள்ளார்.

சமந்தாவின் இந்தப் பதிவுக்கு நடிகைகள் தமன்னா, மாளவிகா மோகனன், ஐஸ்வர்யா மேனன் உள்ளிட்டோர் வாழ்த்து தெரிவித்துள்ளார்கள்.

• 
  சுதந்திர போராட்ட வீரர்களை போற்றும் 'பஹேலி கீத் 2' பாடல்: முகேஷ் கன்னா ...
• 
  திரிஷ்யம்-2 தயாரிப்பாளர் மீது பண மோசடி வழக்கு ; தள்ளுபடி செய்ய ...
• 
  வார் 2 படத்தில் சர்ப்ரைஸ் பாடல்
• 
  3 மணி நேரம் ஓடப் போகும் 'வார் 2'
• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்

• 
  ஒவ்வொரு கேரக்டருக்கும் இரண்டு போஸ்டர் ; நானி பட இயக்குனரின் புதிய ஐடியா
• 
  20 மில்லியன் பார்வைகளைக் கடந்த 'கூலி' டிரைலர்
• 
  காந்தாரா 2வில் ‛கனகாவதி' ஆக ருக்மணி வசந்த்
• 
  கூலி படத்தில் அதிர்ச்சியூட்டும் இடைவேளை : லோகேஷ் கனகராஜ் வெளியிட்ட தகவல்
• 
  அஜித் 64 படத்தில் இணையும் இரண்டு நாயகிகள்