Dinamalar

ஷாஜி கைலாஷ் டைரக்சனில் பழிவாங்கும் கதையில் நடிக்கும் ஜோஜூ ஜார்ஜ்

மலையாளத்தில் குறிப்பிடத்தக்க வில்லனாக குணச்சித்திர நடிகராக வளர்ந்து சமீப வருடங்களாக ‛ஜோசப், பணி' ஆகிய படங்களில் கதையின் நாயகனாக நடித்து ரசிகர்களை கவர்ந்தவர் நடிகர் ஜோஜூ ஜார்ஜ். தமிழில் ‛ஜகமே தந்திரம்', கடந்த சில மாதங்களுக்கு முன்பு வெளியான ‛ரெட்ரோ, தக்லைப்' உள்ளிட்ட படங்களில் முக்கிய கதாபாத்திரங்களில் இவர் நடித்துள்ளார்.

இந்த நிலையில் தற்போது பிரபல கமர்சியல் இயக்குனர் ஷாஜி கைலாஷ் இயக்கத்தில் ‛வரவு' என்கிற புதிய படத்தில் கதாநாயகனாக நடிக்கிறார் ஜோஜூ ஜார்ஜ். இந்த படத்தின் பர்ஸ்ட் லுக் போஸ்டர் தற்போது வெளியாகி உள்ளது. நயன்தாரா நடித்த ‛புதிய நியமம்' உள்ளிட்ட படங்களை இயக்கிய கதாசிரியர் ஏ.கே சாஜன் இந்த படத்திற்கு கதை எழுதுகிறார்.

ஒரு பழிவாங்கும் டிராமாவாக இந்த படம் உருவாகிறது. அதற்கேற்றார் போல் பழி வாங்குதல் என்பது ஒரு மோசமான வியாபாரம் அல்ல என்பதை ஒரு டேக்லைன் ஆகவே குறிப்பிட்டுள்ளார்கள். இயக்குனர் ஷாஜி கைலாஷ் இதற்கு முன்பாக மலையாளத்தில் பல ஹிட் படங்களை கொடுத்தவர். தமிழில் ‛வாஞ்சிநாதன், ஜனா, எல்லாம் அவன் செயல்' உள்ளிட்ட சில படங்களையும் இவர் இயக்கியுள்ளார் என்பது குறிப்பிடத்தக்கது.

• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'
• 
  சர்ச்சில் ரொமான்ஸ்: ஜான்வி கபூர் படத்திற்கு எதிர்ப்பு
• 
  வார் 2 : 300 கோடி வசூலித்ததாக அறிவிப்பு
• 
  ஜுனியர் என்டிஆரின் 10 வருட தொடர் வெற்றியைப் பறித்த 'வார் 2'

• 
  35 வருடங்களுக்கு பிறகு மீண்டும் ரீ ரிலீஸ் ஆகும் மம்முட்டியின் ...
• 
  6 கோடியில் எடுத்து 100 கோடி வசூல் செய்த கன்னட படம் ; காந்தாராவுக்கு பின் ...
• 
  நடிகர் விஷ்ணுவர்தனின் புதிய நினைவிடத்திற்காக இலவசமாக நிலம் வழங்கிய ...
• 
  மாயமான கப்பலின் மர்மத்தை படமாக இயக்கும் ‛2018' பட இயக்குனர்
• 
  மோதிரக் கையால் குட்டுப்பட்டு கதாநாயகியாக அறிமுகமாகும் மகேஷ்பாபுவின் ...