Dinamalar

தயாரிப்பு நிறுவனம் துவங்கிய ஹனி ரோஸ்

பொதுவாக எந்த மொழி திரையுலகை எடுத்துக் கொண்டாலும் அதில் முன்னணியில் இருக்கும் ஹீரோக்கள் தாங்களே சொந்தமாக தயாரிப்பு நிறுவனம் துவங்கி தங்களது படங்களையோ அல்லது சிறந்த படைப்பாளிகளின் படைப்புகளை வெளிக்கொண்டுவரும் விதமாகவோ படங்களை தயாரித்து வருகின்றனர். நடிகர்களுடன் ஒப்பிடும்போது படத்தயாரிப்பில் இறங்கும் நடிகைகளின் எண்ணிக்கை ரொம்பவும் குறைவு.

இந்த நிலையில் நடிகை ஹனி ரோஸ் தற்போது 'ஹனி ரோஸ் வெஞ்சர்ஸ்' என்கிற தயாரிப்பு நிறுவனத்தை துவங்கியுள்ளார். தமிழில் 'சிங்கம்புலி' படத்தில் ஜீவாவுக்கு ஜோடியாக நடித்த ஹனிரோஸுக்கு, ஒருகட்டத்தில் மலையாளத்தில் வரிசையாக நடித்த படங்கள் தொடர்ந்து ஹிட் அடிக்க, மலையாளத்தில் முக்கியமான நடிகையாக மாறினார்.

தொடர்ந்து படங்களில் பிஸியாக நடித்து வந்த ஹனி ரோஸ் கிட்டத்தட்ட சினிமாவில் தான் நுழைந்து 20 வருடத்தை தொடப்போகும் நிலையில் தற்போது தயாரிப்பு நிறுவனத்தை துவங்கியுள்ளார். இது குறித்து அவர் கூறும்போது, “சினிமா என்பது ஒரு கனவு. ஒரு பேண்டஸி. எல்லோருக்கும் விருப்பமான ஒன்று. திரையுலகில் கிட்டத்தட்ட 20 வருடங்கள் இருந்திருக்கிறேன் என்கிறபோது நான் ஆசிர்வதிக்கப்பட்டவளாக உணர்கிறேன். என்னுடைய இளமை, என்னுடைய வாழ்க்கை, என்னுடைய கற்றல்கள், என்னுடைய நட்புகள் எல்லாவற்றிலும் சினிமாவிற்கு மிகப்பெரிய பங்கு இருக்கிறது.

அதனால் இந்த நேரத்தில் ஒரு தயாரிப்பு நிறுவனம் துவங்கி நல்ல படைப்புகளை தயாரிப்பது என்பதை ஒரு கடமையாகவும் என்னுடைய குறிக்கோளாகவும் நான் நினைக்கிறேன். அதனால்தான் என்னுடைய பிறந்த நாளில் அதுவும் ஆசிரியர் தினத்தில் இந்த தயாரிப்பு நிறுவனத்தை தொடங்கியுள்ளேன். திறமையான படைப்பாளிகளை ஊக்குவித்து அவர்களை வெளிச்சத்துக்கு கொண்டு வருவதே இந்த தயாரிப்பு நிறுவனம் துவங்கியதன் நோக்கம்” என்று கூறியுள்ளார் ஹனி ரோஸ்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...