Dinamalar

பட தயாரிப்பு நிறுவனம் வழக்கு : நடிகர் விஷால் பதிலளிக்க உத்தரவு

தங்கள் நிறுவனத்துக்கு வழங்க வேண்டிய 21.29 கோடி ரூபாயை, 30 சதவீத வட்டியுடன் வழங்கும்படி பிறப்பித்த உத்தரவை அமல்படுத்த கோரி, 'லைகா' நிறுவனம் தொடர்ந்த மனுவுக்கு, நடிகர் விஷால் பதிலளிக்க வேண்டும் என, சென்னை உயர் நீதிமன்றம் உத்தரவிட்டுள்ளது.

சினிமா பைனான்சியர் அன்பு செழியனின், 'கோபுரம் பிலிம்ஸ்' நிறுவனத்திடம், நடிகர் விஷால் உரிமையாளராக உள்ள 'விஷால் பிலிம் பேக்டரி' நிறுவனம், 21.29 கோடி ரூபாய் கடன் பெற்றிருந்தது. இந்த கடன் தொகையை லைகா நிறுவனம் ஏற்று, விஷால் நிறுவனத்திடம் ஒப்பந்தம் மேற்கொண்டது. கடன் தொகைக்கு உத்தரவாதமாக, அனைத்து படங்களின் உரிமையை தருவதாக, விஷால் நிறுவனம் தெரிவித்தது. ஆனால் ஒப்பந்தத்தை மீறி படங்களை வெளியிட்டதால், கடனுக்கு செலுத்திய தொகையை திருப்பித் தர உத்தரவிட கோரி, நடிகர் விஷாலுக்கு எதிராக, லைகா நிறுவனம் வழக்கு தொடர்ந்தது.

இந்த வழக்கை விசாரித்த உயர் நீதிமன்றம், 'லைகா நிறுவனத்துக்கு வழங்க வேண்டிய 21.29 கோடி ரூபாயை, 30 சதவீத வட்டியுடனும், வழக்கு செலவு தொகையையும், நடிகர் விஷால் வழங்க வேண்டும்' என, உத்தரவிட்டிருந்தது.

இந்த உத்தரவை அமல்படுத்த கோரி, சென்னை உயர் நீதிமன்றத்தில், லைகா நிறுவனம் தரப்பில் மனு தாக்கல் செய்யப்பட்டது. இந்த மனு, நீதிபதி என்.செந்தில்குமார் முன், நேற்று விசாரணைக்கு வந்தது.

அப்போது, மனுதாரர் தரப்பில், 'நடிகர் விஷால், தற்போது 'சூப்பர் குட்' பிலிம்ஸ் நிறுவனம் தயாரிப்பில், மகுடம் என்ற படத்தில் நடிக்க ஒப்பந்தம் ஆகியுள்ளார். எனவே, அந்த படத்துக்கு பெறப்படும் தொகையையும், டிபாசிட் செய்ய உத்தரவிட வேண்டும்' என கூறப்பட்டது.

இதையடுத்து நீதிபதி, மனுவுக்கு நடிகர் விஷால் பதிலளிக்க உத்தரவிட்டு, விசாரணையை நவ., 17ம் தேதிக்கு தள்ளிவைத்தார்.

• செய்திகள்
• ஆல்பம்
• வால் பேப்பர்கள்
• வந்த படங்கள்

• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது
• 
  ‛அங்கமாலி டைரீஸ்' பட இயக்குனரின் ஹிந்தி படத்திற்கு இசையமைக்கும் ஏ.ஆர் ...

• 
  பிளாஷ்பேக் : 3 மொழிகளில் படமான ஸ்ரீதரின் முதல் கதை
• 
  காஜல் அகர்வாலுக்கு என்னாச்சு...
• 
  கென்யா ட்ரிப்பில் மொபைல் போனை பறிகொடுத்த பிரயாகா மார்ட்டின்
• 
  கமல், அஜித் பட அப்டேட்: தீபாவளி பரிசாக வருமா?
• 
  மகளிர் ஆணையத்தில் மனைவியுடன் நேரில் ஆஜரான மாதம்பட்டி ரங்கராஜ்