Dinamalar

நாகார்ஜுனாவின் 65வது பிறந்தநாளை முன்னிட்டு ரீ-ரிலீஸாகும் மாஸ்

இதயத்தை திருடாதே படம் மூலம் தமிழ் ரசிகர்களின் இதயங்களையும் திருடியவர் தெலுங்கு முன்னணி நடிகர்களில் ஒருவரான நாகார்ஜுனா. கடந்த 35 வருடங்களுக்கு மேலாக தெலுங்கு திரையுலகில் தனக்கென ஒரு இடத்தை தக்க வைத்துள்ள நாகார்ஜுனா ஒரு பக்கம் ஆக்சன் மற்றும் காதல் படங்களில் நடித்தாலும் இன்னொரு பக்கம் ஆச்சரியமாக ஆன்மிக படங்களிலும் நடித்து வெகுஜன ரசிகர்களை கவர்ந்தார்.

இந்த நிலையில் வரும் ஆகஸ்ட் 29ம் தேதி நாகார்ஜுனாவின் 65வது பிறந்தநாள் வருகிறது. இதை கொண்டாடும் விதமாக கடந்த 20 வருடங்களுக்கு முன்பு அவரது நடிப்பில் வெளியான 'மாஸ்' திரைப்படம் 4கே முறையில் டிஜிட்டலுக்கு மாற்றப்பட்டு ஆகஸ்ட் 28ம் தேதி ரீ-ரிலீஸ் செய்யப்பட இருக்கிறது.

இந்த தகவலை தயாரிப்பு நிறுவனமான அன்னபூர்ணா ஸ்டுடியோஸ் அறிவித்துள்ளது. நடன இயக்குனராக இருந்து நடிகராக மாறி சிறிய கதாபாத்திரங்களில் நடித்து வளர்ந்து வந்த சமயத்தில் நடிகர் ராகவா லாரன்ஸ் இந்த படத்தை இயக்கியதன் மூலம் ஒரு கமர்சியல் இயக்குனராகவும் தன்னை அடையாளப்படுத்தினார். நாகார்ஜுனாவின் திரையுலக பயணத்தில் 'மாஸ்' ஒரு மிக முக்கியமான படம் என்பதை மறுக்க முடியாது. ஜோதிகா கதாநாயகியாக நடித்திருந்த இந்த படத்தில் ரகுவரன் வில்லனாக முக்கிய கதாபாத்திரத்தில் நடித்திருந்தார் என்பது குறிப்பிடத்தக்கது.

• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...

• 
  வெளிநாடு சென்றாலும் கையோடு குக்கர் எடுத்துச் செல்லும் ராம்சரண்: மனைவி ...
• 
  காதலியின் மகள் பிறந்தநாளை விமர்சையாக கொண்டாடிய நடிகர் தர்ஷன்
• 
  அரபு நாடுகளில் மரண மாஸ் திரைப்படம் வெளியாக தடை
• 
  7 வருடங்களுக்கு பிறகு மீண்டும் இணைந்த பிரித்விராஜ் - பார்வதி
• 
  பாவனா தயாரிக்கும் படம் மூலம் மலையாளத்தில் அறிமுகமாகும் அனிமல் பட ...