Dinamalar

ஒரு வழியாக திலீப்பின் மூன்று படங்களில் ஒன்று ஓடிடியில் விலை போனது

ஓடிடி தளங்கள் ஆரம்பிக்கப்பட்டபோது சிறிய பட்ஜெட் படங்கள், இரண்டாம் கட்ட நடிகர்களின் படங்கள் எல்லாம் தியேட்டர்களில் பெரிய வரவேற்பு கிடைக்கவில்லை என்றாலும் கூட ஒடிடியில் நல்ல விலைக்கு விற்று லாபம் பார்த்து விடலாம் என பெரிதும் நம்பின. ஆனால் அதற்கு மாறாக ஓடிடி நிறுவனங்கள் பெரிய படங்களை மட்டுமே வாங்குவதில் ஆர்வம் காட்டின. தற்போது அதிலும் புதிய சிக்கலாய் வருடத்திற்கு இவ்வளவு படங்கள் தான் வாங்கப்படும் என ஒரு புதிய கட்டுப்பாட்டை வகுத்துக் கொண்டுள்ளதால் சில பெரிய நடிகர்களின் படங்கள் கூட ஓடிடியில் விலை போகாமல் தேங்கி நிற்கின்றன.

இந்தநிலை தான் தற்போது மலையாள நடிகர் திலீப் நடித்து, கடந்த 10 மாதங்களில் வெளியான பாந்த்ரா, தங்கமணி, பவி கேர்டேக்கர் என அவரது மூன்று படங்களுக்கும் இருக்கிறது. இந்த நிலையில் ஒரு வழியாக தற்போது பவி கேர் டேக்கர் படம் வரும் ஜூலை 26 ஆம் தேதி ஓடிடியில் வெளியாக இருக்கிறது. மேலே சொன்ன இந்த மூன்று படங்களில் இந்த படம் தான் தியேட்டர்களில் சுமாரான வரவேற்பை பெற்றது என்பதாலும் சிறிய பட்ஜெட் படம் என்பதாலும் ஓடிடியில் முதல் படமாக விலை போய் உள்ளது என்பது குறிப்பிடத்தக்கது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...