Dinamalar

151-வது படத்தில் சகோதர நடிகர்களுடன் கைகோர்த்த நடிகர் திலீப்

மலையாளத்தில் நடிகர் திலீப், குடும்ப செண்டிமெண்ட், காமெடி, கொஞ்சம் ஆக்ஷன் என கலந்து தனக்கென ஒரு தனி ரூட்டில் தொடர்ந்து பயணித்து வருகிறார். இரண்டு மூன்று வருடங்களாக அவரது படங்கள் தொடர்ந்து தோல்வியை சந்தித்தாலும் அவரது 150வது படமாக வெளியான பிரின்ஸ் அண்ட் பேமிலி திரைப்படம் ஓரளவுக்கு வரவேற்பையும், வசூலையும் பெற்றது. இதனை தொடர்ந்து அவரது 151வது படமாக ‛பா பா பா' திரைப்படம் உருவாகி வருகிறது.

இந்த படத்தை தனஞ்செய் சங்கர் என்பவர் இயக்கி வருகிறார். ஒரு அடார் லவ் படத்தில் நடித்த நூரின் ஷெரிப் மற்றும் அவரது காதல் கணவர் பாஹிம் சாபர் இருவரும் இணைந்து இந்த படத்திற்கான கதையை எழுதியுள்ளனர். இதற்கு முந்தைய பிரின்ஸ் அண்ட் பேமிலி படத்தில் திலீப்புடன் இணைந்து நடிகரும், இயக்குனருமான தியான் சீனிவாசன் முக்கிய கதாபாத்திரத்தில் நடித்திருந்தார். தற்போது பா பா பா படத்திலும் அவர் திலீப் உடன் இணைந்து நடிக்கிறார்.

அவர் மட்டுமல்ல அவரது சகோதரரும் பிரபல நடிகர் மற்றும் இயக்குனருமான வினித் சீனிவாசனும் இணைந்து இந்த படத்தில் நடித்துள்ளார். இவர்கள் இருவரும் கெஸ்ட் ரோலில் அல்லாமல் படம் முழுவதும் வருவது போன்ற கதாபாத்திரத்தில் நடித்துள்ளனர் சமீபத்தில் வெளியான இந்தப்படத்தின் டீசர் நகைச்சுவை மற்றும் ஆக்ஷனுக்கு முக்கியத்துவம் கொடுத்து உருவாகியுள்ளதை தெளிவுபடுத்தி உள்ளது. விரைவில் இந்த படம் ரிலீசுக்கு தயாராகி வருகிறது.

• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்

• 
  பல்டி பட ஹீரோவின் படத்திற்கு சென்சாரில் சிக்கல் : நீதிமன்றத்தை நாடிய ...
• 
  நெகட்டிவ் கதாபாத்திரத்தில் ‛கேஜிஎப்' நாயகி
• 
  விருஷபா ரிலீஸ் தேதியை அறிவித்த மோகன்லால்
• 
  வைக்கப்பட்ட சீல் அகற்ற துணை முதல்வர் உத்தரவு, 'கன்னட பிக் பாஸ்' ...
• 
  திருமணம் செய்து கொள்ளாமல் இரட்டை குழந்தை பெற்றெடுத்த நடிகை பாவனா ரமண்ணா!