Dinamalar

96 வயது ரசிகரின் விருப்பத்தை நிறைவேற்றிய மோகன்லால்

ஒரு குறிப்பிட்ட சில நடிகர்களுக்கே சிறுவர்கள் முதல் வயதானவர்கள் வரை ரசிகர்களாக இருப்பது அபூர்வமான விஷயம். அந்த வகையில் மலையாள திரையுலகில் நடிகர் மோகன்லால் இளம் வயது ரசிகர்கள் முதல் வயதானவர்கள் வரை ரசிகர்களாக கொண்டுள்ளார். அவரது புலி முருகன் திரைப்படம் வெளியான போது இரண்டு மூன்று வயது குழந்தைகள் கூட அதே போன்ற கெட்டப்பில் ரீல்ஸ் வீடியோக்கள் போட்டது வைரலானது.

இந்த நிலையில் கேரளாவைச் சேர்ந்த 96 வயதான ராகவன் நாயர் என்பவர் தான் மோகன்லாலின் தீவிரமான ரசிகன் என்றும் அவரை ஒரு முறையாவது சந்தித்தால் மகிழ்ச்சி அடைவேன் என்றும் சோசியல் மீடியாவில் ஒரு வீடியோவை வெளியிட்டு இருந்தார். இந்த வீடியோ மிகப்பெரிய அளவில் வைரலானது. மோகன்லால் கவனத்திற்கும் சென்றது.

இதனை தொடர்ந்து, “அன்புள்ள ராகவன் சேட்டா. உங்கள் வீடியோ பார்த்தேன்.. என் மீது நீங்கள் வைத்திருக்கும் அன்பும், என் படங்களை நீங்கள் ரசித்துப் பார்ப்பதையும் அறிந்து மிக்க மகிழ்ச்சி. உங்களுக்கு என் அன்பும் பிரார்த்தனைகளும். நிச்சயமாக ஒரு நாள் உங்களை சந்திக்க வாய்ப்பு கிடைக்கும்போது சந்திப்பேன்” என்று பதில் அளித்து இருந்தார்.

இந்த நிலையில் சத்தமே இல்லாமல் அந்த வயதான ரசிகரை நேரில் சந்தித்து மகிழ்ச்சியில் ஆழ்த்தியுள்ளார் மோகன்லால். இது குறித்த வீடியோ ஒன்றை அந்த ரசிகர் தனது சோசியல் மீடியா பக்கத்தில் பகிர்ந்து கொண்டுள்ளார். 96 வயதில் இருக்கும் நபர் மோகன்லாலின் ரசிகராக இருப்பதும் அவரது கோரிக்கையை ஏற்று மோகன்ளால் அவரை சந்தித்ததும் ரசிகர்களிடம் வரவேற்பை பெற்று வருகிறது..

• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'

• 
  எதிர்மறை விமர்சனம் எதிரொலி : விலாயத் புத்தா படத்தில் 15 நிமிட காட்சிகள் ...
• 
  தெலுங்கு படமாக இருந்தாலும் கன்னடத்துக்கு முக்கியத்துவம் வேண்டும் : ...
• 
  பிரித்விராஜ் படத்தை ஓவர்டேக் செய்யும் சிறிய நடிகரின் படம்
• 
  சிறையில் இருக்கும் நிலையில் நடிகர் தர்ஷினின் பட ரிலீஸ் தேதி அறிவிப்பு
• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...