Dinamalar

ரசிகர்களின் கிண்டலுக்கு ஆளான மம்முட்டி - ஜோதிகா பட இயக்குனர்

மலையாளத்தில் மம்முட்டி நடிக்கவிருக்கும் புதிய படத்திற்கு காதல் என டைட்டில் வைக்கப்பட்டுள்ளது. நடிகை ஜோதிகா மம்முட்டிக்கு ஜோடியாக நடிக்கிறார். அதுவும் இருபது வருட இடைவெளி விட்டு மலையாள திரையுலகில் ஜோதிகா மீண்டும் அடியெடுத்து வைத்துள்ளார். இந்தப்படத்தை இயக்குனர் ஜியோ பேபி என்பவர் இயக்குகிறார். கடந்த வருடம் குறைந்த பட்ஜெட்டில் வெளியாகி விமர்சன ரீதியாகவும் குறிப்பாக பெண்களிடம் மிகப்பெரிய வரவேற்பையும் பெற்ற தி கிரேட் இண்டியன் கிச்சன் படத்தை இயக்கியவர் தான் இந்த ஜியோ பேபி.

இந்தப்படத்தை மம்முட்டியே தனது சொந்த தயாரிப்பாக தயாரிக்கிறார். இந்தநிலையில் இந்தப்படத்தின் படப்பிடிப்பு துவக்க விழா பூஜையுடன் ஆரம்பித்துள்ளது. இதையடுத்து இயக்குனர் ஜியோ பேபி சோசியல் மீடியாவில் நெட்டிசன்களின் கிண்டலுக்கு ஆளாகியுள்ளார்.

அதாவது இதற்கு முன் அவர் அளித்த பேட்டி ஒன்றில் தனது படங்களுக்கு வழக்கமாக நடத்தப்படும் பூஜை போன்ற விஷயங்களை எல்லாம் நடத்துவதில் தனக்கு விருப்பமில்லை என்றும், நேரடியாக படப்பிடிப்பிற்கு செல்வதை தான் விரும்புவதாகவும் கூறியிருந்தார்.

ஆனால் மம்முட்டியை பொறுத்தவரை தனது படங்களின் துவக்கவிழா, மற்றும் இசைவெளியீடு உள்ளிட்ட நிகழ்வுகளை பூஜையுடன் துவங்குவதில் மிகுந்த அக்கறை காட்டுபவர். அதனால் மம்முட்டியை வைத்து ஜியோ பேபி இயக்கும் இந்தப்படம், சினிமா வழக்கப்படி துவக்கவிழா பூஜையுடன் தான் துவங்கியுள்ளது. இதை குறிப்பிட்டுத்தான் நெட்டிசன்கள் அவரை கிண்டலடித்து வருகின்றனர்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...