Dinamalar

இன்று முதல் ஓடிடி தளத்தில் தெலுங்கு 'பிக் பாஸ் நான் ஸ்டாப்'

தமிழ், தெலுங்கில் ஐந்து வருடங்களுக்கு முன்பு அடுத்தடுத்து 'பிக் பாஸ்' நிகழ்ச்சி ஆரம்பமானது. இரண்டு மொழிகளிலும் ஐந்து சீசன்களைக் கடந்துள்ளது. தமிழில் கமல்ஹாசன் கடந்த ஐந்து சீசன்களாகவும், தெலுங்கில் கடந்த மூன்று சீசன்களாக நாகார்ஜுனாவும் தொகுத்து வழங்கினர்.

தமிழில் ஓடிடி தளத்திற்காக 'பிக் பாஸ் அல்டிமேட்' என்ற நிகழ்ச்சி கடந்த ஜனவரி மாதக் கடைசியில் ஆரம்பமானது. ஓடிடி தளத்திலும் கமல்ஹாசனே தொகுத்து வழங்கினார். ஆனால், கடந்த வாரத்துடன் நிகழ்ச்சியிலிருந்து விலகிவிட்டார். இந்த வாரம் முதல் சிம்பு தொகுத்து வழங்க உள்ளார்.

தமிழைப் போலவே தெலுங்கில் ஓடிடி தளத்தில் இன்று முதல் 'பிக் பாஸ் நான்ஸ்டாப்' என்ற பெயரில் நிகழ்ச்சி ஆரம்பமாகிறது. இந்த நிகழ்ச்சியை நாகார்ஜுனாவே தொகுத்து வழங்குகிறார். அதற்கான டிவி புரோமோக்கள் ஏற்கனெவே வெளியாகி உள்ளது.

ஓடிடி தளத்தில் தமிழில் ஒளிபரப்பாகி வரும் நிகழ்ச்சிக்கு பெரிய வரவேற்பில்லை, அதனால்தான் கமல்ஹாசன் விலகியதாகவும் ஒரு தகவல் உண்டு. அப்படியிருக்க தெலுங்கில் இன்று ஆரம்பிக்க உள்ளார்கள். தெலுங்கு ஓடிடி பிக் பாஸ் நிகழ்ச்சி 70 நாட்கள் நடைபெற உள்ளதாம். இதில் 17 போட்டியாளர்கள் கலந்து கொள்ள உள்ளதாகத் தகவல். இன்று மாலை 6 மணிக்கு நிகழ்ச்சி ஆரம்பமாகிறது. யார் யார் போட்டியாளர்கள் என்பது அப்போதுதான் தெரியும்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...