Dinamalar

விடாமல் துரத்திய கனவு, ஓயாத தன்னம்பிக்கை : சின்னத்திரை நடிகர் ஷியாமின் இண்ஸ்பையரிங் ஸ்டோரி

விஜய் டிவியின் ஈரமான ரோஜாவே தொடரில் நடித்து ரசிகர்களை கவர்ந்தவர் ஷியாம். சினிமா மீது தீராத காதல் கொண்ட இவர் நடிக்க வேண்டும் என்ற கனவோடு கோயம்புத்தூரிலிருந்து சென்னைக்கு வந்தார். பல இடங்களில் வாய்ப்புக் கேட்டு அலைந்த ஷியாமுக்கு மிஞ்சியதெல்லாம் ஏமாற்றம் தான். இதற்கிடையில் அவர் பார்ப்பதற்கு ஹிந்தி நடிகர் போல் இருப்பதால் பாலிவுட்டில் முயற்சி செய்ய சொல்லி நண்பர்கள் அறிவுறுத்த, மும்பைக்கும் சென்றார் ஷியாம். ஆனால் அங்கும் அவருக்கு வாய்ப்பு கிடைக்கவில்லை.

அதன்பின் மீண்டும் சென்னை திரும்பிய ஷியாமுக்கு சின்னத்திரையில் புதுக்கவிதை என்கிற விஜய் டிவி சீரியலில் வாய்ப்பு கிடைத்தது. வந்த வாய்ப்பை கெட்டியாக பிடித்துக்கொண்ட அவர் தொடர்ந்து விஜய் டிவியில் களத்து வீடு, கல்யாணம் முதல் காதல் வரை, சரவணன் மீனாட்சி, மெல்ல திறந்தது கதவு, லட்சுமி கல்யாணம், நெஞ்சம் மறப்பதில்லை, கண்ணம்மா, அரண்மனை கிளி, என பல சீரியல்களில் நடித்து வந்தார்.

டான்ஸ் மற்றும் ரியாலிட்டி ஷோக்களையும் விட்டு வைக்காத ஷ்யாம் தனக்கு கிடைத்த அத்தனை வாய்ப்புகளையும் பயன்படுத்தி தனக்கான இடத்தை உருவாக்கினார். இப்படியான ஒரு காலக்கட்டத்தில் தான் இயக்குனர் கவுதம் வாசுதேவ் மேனனை ஒரு காபி ஷாப்பில் சந்திக்கும் வாய்ப்பு ஷியாமுக்கு கிடைத்தது. அவரை சந்தித்து பேசி தனது சினிமா குறித்த காதலையும் தனது சின்னத்திரை பயணத்தையும் கூறியுள்ளார்.

அதைக் கேட்டு கவுதம் மேனன் 'அச்சம் என்பது மடமையடா' என்ற படத்தில் ஷியாமுக்கு வாய்ப்பளித்தார். தமிழில் சிம்புவுக்கும் தெலுங்கு வெர்ஷனில் நாக சைதன்யாவுக்கும் ஷ்யாம் நண்பராக நடித்திருந்தார். தனது வெள்ளித்திரை கனவை தீராத ஓட்டத்தால் எட்டிப்பிடித்த ஷியாம் அடுத்த நல்ல வாய்ப்புக்காக காத்திருக்கிறார். திரையுலகில் சாதித்தது போலவே நிஜ வாழ்விலும் தனது நீண்ட நாள் காதலியை போராடி கைப்பிடித்து ஜெயித்துக் காட்டியுள்ளார். விரைவில் அவர் வெள்ளித்திரையில் அடுத்த படத்தில் கமிட்டாக அவரது ரசிகர்கள் வாழ்த்துகளை தெரிவித்து வருகின்றனர்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  விஜய் டிவி பிரியங்கா 2வது திருமணம் : மாப்பிள்ளை யார் தெரியுமா...!
• 
  பராசக்தி, தேவதையை கண்டேன், கிங்ஸ்டன் - ஞாயிறு திரைப்படங்கள்
• 
  சின்னத்திரை காமெடி நடிகை ஷர்மிளா மீது பாஸ்போர்ட் மோசடி வழக்கு பதிவு
• 
  நீரும் நெருப்பும், அந்நியன், பிகில் - ஞாயிறு திரைப்படங்கள்
• 
  அந்தரங்க வீடியோ என வைரல் : ஸ்ருதி நாராயணன் காட்டமான பதில்