Dinamalar

2 முறை ஏமாற்றத்துக்கு பின் மீண்டும் பிக்பாஸ் வாய்ப்பு! சாதிப்பாரா அஸீம்?

பிக்பாஸ் சீசன் 6 இன்று (அக்டோபர் 9ம் தேதி) முதல் தொடங்கவுள்ளது. யார் யார் போட்டியில் கலந்து கொள்ளப்போகிறார்கள்? என்ன சண்டை வெடிக்கப்போகிறது? இந்த முறை யார் காதல் ஜோடி? என நிகழ்ச்சி குறித்த ஆர்வமும் ரசிகர்களிடம் அதிகரித்துள்ளது. இந்நிலையில், சின்னத்திரை நடிகர் அஸீமும் பிக்பாஸ் நிகழ்ச்சியில் கலந்து கொள்ளும் தகவல் உறுதிப்படுத்தப்பட்டுள்ளது.

அஸீம் பிக்பாஸ் நிகழ்ச்சியில் கலந்து கொள்வது இதுவே, முதல்தடவை அல்ல. சீசன் 4-லேயே அஸீம் பிக்பாஸ் வீட்டில் நுழைய இருந்தார். அதற்காக குவாரண்டைனும் சென்றார். பகல்நிலவு தொடரில் அஸீம் - ஷிவாணி காம்போ அதிகமாக ரீச் ஆனதால் அவர் அந்த சீசனில் கட்டாயம் கலந்துகொள்வார், பிக்பாஸ் வீட்டிலும் அவர்கள் காதல் கெமிஸ்ட்ரி தொடரும் என்றே பலரும் நினைத்தனர். ஆனால், அவருக்கு அந்த சீசனில் ஏனோ சில காரணங்களால் இடம் கிடைக்கவில்லை.

தொடர்ந்து சீசன் 5ன் போதும் அவர் பெயர் அடிபட்டது. ஆனால், அப்போது அஸீம் 'பூவே உனக்காக' தொடரில் ஹீரோவாக நடித்துக்கொண்டிருந்தார். இந்நிலையில், தற்போது சீசன் 6-ல் கலந்துகொள்ள அவருக்கு வாய்ப்புக் கிடைத்துள்ளது. பூவே உனக்காக தொடரும் அண்மையில் முடிந்துவிட்ட நிலையில் புதிய ப்ராஜெக்ட் எதிலும் கமிட்டாகாத அஸீம், பிக்பாஸ் சீசன் 6-ல் என்ட்ரியாவது கிட்டத்தட்ட உறுதியாகிவிட்டது. ஏற்கனவே, இருமுறை தவறவிட்ட வாய்ப்பு அஸீமுக்கு மீண்டும் தேடி வந்துள்ளது. எனவே, இந்த வாய்ப்பை அஸீம் சரியாக பயன்படுத்திக் கொள்வாரா? என்பதை பார்க்க அவரது ரசிகர்களும் மற்ற பிக்பாஸ் நேயர்களும் ஆவலுடன் எதிர்பார்த்து வருகின்றனர்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  பாக்கியலெட்சுமி சீரியல் முடிவுக்கு வருகிறதா?
• 
  ‛அருண் தான் என் உலகம்' - மாற்றி மாற்றி பேசும் அர்ச்சனா
• 
  வைஷ்ணவியை கரம் பிடித்தார் வெற்றி வசந்த்
• 
  நண்பனை நினைத்து வருந்திய வைஷ்ணவி அருள்மொழி
• 
  பிக்பாஸ் வீட்டில் கதறி அழுத ஸ்ருதிகா