Dinamalar

புது சீரியலில் கமிட்டான வெண்பா!

தொலைக்காட்சி தொகுப்பாளினியான பரீனா, 'பாரதி கண்ணம்மா' தொடரின் மூலம் நடிகையாக அறிமுகமாகி கலக்கி வருகிறார். சமீபத்தில் அவருக்கு குழந்தை பிறந்ததையடுத்து சில நாட்கள் சீரியலுக்கு கேப் விட்டிருந்த அவர், சீரியலில் மீண்டும் ரீ என்ட்ரி கொடுத்து பார்மில் வந்துள்ளார். அதற்கேற்றார் போல் பரீனாவின் மார்க்கெட்டும் எகிறி உள்ளது.

பரீனா தற்போது, கலர்ஸ் தமிழ் தொலைக்காட்சியின் ப்ரைம் டைம் சீரியலில் நடிக்க கமிட்டாகியுள்ளார். ரேஷ்மா - மதன் இணைந்து நடிக்கும் ஹிட் தொடரான 'அபி டெய்லர்' தொடரில் ஃபரீனா நடித்து வருகிறார். இதற்கான புரோமோ சமீபத்தில் வெளியாகியுள்ளது. 'அபி டெய்லர்' தொடரில் சமீப காலமாக பல நடிகர்களை சிறப்பு தோற்றத்தில் நடிக்க வைத்து டிஆர்பி ரேட்டிங்கை அதிகரிக்க முயற்சித்து வருகின்றனர். அந்த வகையில் தற்போது பரீனாவும் என்ட்ரி கொடுத்துள்ளதால் சின்னத்திரை ரசிகர்களிடம் எதிர்பார்ப்பு அதிகரித்துள்ளது.

• செய்திகள்
• ஆல்பம்