Dinamalar

வலிமை படத்தின் ஆக்ஷன் காட்சிக்காக அஜித் இன்று ரஷ்யா பயணம்

அஜித் தற்போது எச். வினோத் இயக்கத்தில் வலிமை படத்தில் நடித்து வருகிறார். பாலிவுட் நடிகை ஹுமா குரேஷி இந்தப் படத்தில் கதாநாயகியாக நடிக்கிறார். யுவன் ஷங்கர் ராஜா இசையமைக்கிறார். வலிமை படத்திற்கு தமிழ் சினிமாவில் அதிக எதிர்பார்ப்பு நிலவி வருகிறது. சில தினங்களுக்கு முன்பு வலிமை படத்தின் மோஷன் போஸ்டர், பர்ஸ்ட் லுக் மற்றும் மேலு சில போஸ்டர்கள் வெளியாகி வரவேற்பு பெற்றன.

படத்துக்கு ஒரே ஒரு ஆக்ஷன் காட்சி மட்டும் எடுக்கப்படாமல் இருந்தது. வெளிநாட்டில் எடுக்கப்பட வேண்டிய காட்சி அது. கொரோனா பெருந்தொற்றால் வெளிநாடு செல்வதில் ஏற்பட்ட தடை காரணமாக அதனை இன்னும் படமாக்காமல் இருந்தனர். தற்போது வெளிநாடுகளுக்கான விமானப் போக்குவரத்து மீண்டும் தொடங்கியுள்ளதால் குறிப்பிட்ட காட்சியை ரஷ்யாவில் படமாக தீர்மானித்து வினோத் உள்ளிட்ட படக்குழுவினர் ரஷ்யா சென்றுள்ளனர். இன்று அஜித்தும் ரஷ்யா கிளம்பிச் செல்கிறார்.

முக்கியமான சண்டைக் காட்சியை படமாக்குவதால் தயாரிப்பாளர் போனி கபூர் ஏற்கனவே ரஷ்யா கிளம்பிச் சென்றுள்ளார். அங்கு அஜித் இடம்பெறும் பைக் ரேஸ் காட்சிகள் படமாக்கப்படும் என்று தெரிகிறது. இந்த ஆக்ஷன் காட்சியுடன் மொத்த படப்பிடிப்பும் முடிவுக்கு வந்துவிடும். உடனடியாக போஸ்ட் புரொடக்ஷன் பணிகளை தொடங்கி தீபாவளிக்கு படத்தை கொண்டுவர திட்டமிட்டுள்ளனர். ஏற்கனவே ரஜினியின் அண்ணாத்த தீபாவளிக்கு வரும் நிலையில் வலிமை அதனுடன் மோதவிருப்பது கிட்டத்தட்ட உறுதியாகியுள்ளது.

• 
  30 ஆயிரம் கோடி சொத்துக்களில் பங்கு கேட்கிறாரா கரிஷ்மா கபூர்?
• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'

• 
  ஆகஸ்ட் 1ல் 150 படங்களை கடக்கப் போகும் 2025
• 
  24 மணிநேரத்திற்குள் 50 லட்சம் பார்வைகளை கடந்த ‛என்ன சுகம்' பாடல்
• 
  காப்புரிமை விவகாரம் : இளையராஜா மனு தள்ளுபடி
• 
  'தலைவன் தலைவி' முதல்வார இறுதியில் 25 கோடி வசூல்
• 
  அமெரிக்காவில் முன்னதாகவே திரையிடப்படும் 'கூலி'