Dinamalar

'ஆர்ஆர்ஆர்' படப்பிடிப்பில் ஐ.டி கார்டு அணிந்துள்ள ஜுனியர் என்டிஆர்

சினிமா தயாரிப்பில் இப்போது பல நடைமுறைகள் மாறிவிட்டன. தங்களது படம் பற்றிய தகவல்கள் எப்படியாவது 'லீக்' ஆகிவிடக் கூடாது என்பதற்காக பல பாதுகாப்பு வழிமுறைகளை படக்குழுவினர் பின்பற்றுகிறார்கள்.

அவற்றில் ஒன்று அலுவலகங்களில் அணிவதைப் போன்ற ஐ.டி. கார்டு. படக்குழுவில் உள்ள இயக்குனர் முதல் லைட்மேன், உதவியாளர்கள் வரை அனைவருக்கும் அவர்களது பெயர், செய்யும் வேலை ஆகியவற்றுடன் புகைப்பட ஐ.டி கார்டுகள் வழங்கப்படுகிறது. இதனால், படக்குழுவிற்கு சம்பந்தமில்லாமல் யாராவது அரங்கிற்குள் நுழைந்தால் அவர்களைத் தடுக்க வசதியாக இருக்கிறது.

ராஜமவுலி இயக்கத்தில் உருவாகி வரும் 'ஆர்ஆர்ஆர்' படத்தின் படப்பிடிப்பு தற்போது உக்ரைன் நாட்டில் நடைபெற்று வருகிறது. அங்கு படப்பிடிப்புத் தளத்தில் ஐ.டி. கார்டு அணிந்து ஜுனியர் என்டிஆர் படப்பிடிப்பில் கலந்து கொண்டதை தயாரிப்பு நிறுவனம் வெளியிட்டுள்ளது. பக்கத்தில் இயக்குனர் ராஜமவுலியும் அவருடைய ஐ.டி. கார்டை எடுத்துக் காட்டுவதும் புகைப்படத்தில் உள்ளது.

அது குறித்து இன்ஸ்டாவில், “பல வருடங்களுக்குப் பிறகு ஐ.டி கார்டு அணிகிறேன். செட்டில் முதல் முறை..,” எனக் குறிப்பிட்டுள்ளார். கல்லூரியில் படித்ததற்குப் பிறகு இப்போதுதான் மீண்டும் ஐ.டி கார்டு அணிகிறார் போலிருக்கிறது.

• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்
• 
  விளம்பர வீடியோவில் உலக சாதனை படைத்த தீபிகா படுகோனே
• 
  500 கோடி வசூலைக் கடந்த 'சாயாரா'
• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்

• 
  ‛கிங்டம்' படத்திற்கு எதிர்ப்பு : வருத்தம் தெரிவித்த படக்குழு
• 
  23 ஆண்டுகளுக்கு பின் நாளை மறுநாள் ரீ-ரிலீஸ் ஆகிறது சுந்தரா டிராவல்ஸ்
• 
  ஆகஸ்ட் 8ல் 13 படங்கள் வெளியீடா ???
• 
  கணவர் கிரிஷ் உடன் பிரிவா... : நடிகை சங்கீதா மறுப்பு
• 
  தீபாவளி மாதத்தில் வெளியாகும் அனிமேஷன் படம்