Dinamalar

மீண்டும் விஜயகாந்த் படக் கதையில் அட்லீ படம்?

தமிழ் சினிமாவில் பழைய படங்களின் கதையை அப்படியே சுட்டு, இந்தக் காலத்திற்கேற்றபடி சில பல மானே, தேனே, பொன்மானே சேர்த்து புதுக் கதை போல பிரம்மாண்டமாகக் கொடுப்பவர் இயக்குனர் அட்லீ என்ற குற்றச்சாட்டு அவர் மீது உண்டு.

மௌன ராகம் படத்தை ராஜா ராணி ஆகவும், சத்ரியன் படத்தை தெறி ஆகவும், அபூர்வ சகோதர்கள் படத்தை மெர்சல் ஆகவும், சில பல தமிழ், ஹிந்தி, ஹாலிவுட் படங்களை எடுத்து பிகில் ஆகவும் கொடுத்தார் என்பதை இன்னமும் சொல்லிக் கொண்டிருக்கிறார்கள்.

ஆனால், அதைப் பற்றியெல்லாம் கவலைப்படாமல் அட்லீ, பாலிவுட் வரை சென்றுவிட்டார். ஷாரூக்கான் நாயகனாக நடிக்க அவர் இயக்க உள்ள ஹிந்திப் படத்தின் அறிவிப்பு வரும் 15ம் தேதி வெளியாகும் என்று தகவல் வெளியாகி உள்ளது. பட அறிவிப்புக்காக தனியாக ஒரு டீசரை ரெடி செய்து வருகிறார் என்கிறார்கள்.

அதே சமயம் இப்படத்தின் கதை, 2006ல் விஜயகாந்த் இரு வேடங்களில் நடித்து, உதயன் என்ற இயக்குனர் இயக்கிய பேரரசு படத்தின் கதை என்றும் அரசல், புரசலாகப் பரவியுள்ளது. தனது அப்பாவைக் கொன்றவர்களைப் பழி வாங்க ஒரு விஜயகாந்த் துடிக்கிறார். அந்த விஜயகாந்த் கொலை செய்யத் துடிப்பவர்களை, போலீஸ் அதிகாரியான மற்றொரு விஜயகாந்த் காப்பாற்றத் துடிக்கிறார். இதுதான் பேரரசு படத்தின் கதைச்சுருக்கம்.

மெர்சல் கதையும் ஏறக்குறைய இப்படித்தானே இருக்கும். நிறைய பழைய தமிழ்ப் படங்களைப் பாருங்கள் இளம் இயக்குனர்களே, அதிலிருந்தே உங்களுக்கு பல இன்ஸ்பிரேஷன்கள் கிடைக்கும். கவனிக்க, இன்ஸ்பிரேஷன் என்றே சொல்கிறோம். காப்பி என்று சொல்லவில்லை.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு