மாறன் - சத்யராஜ் படப் பெயரில் தனுஷ் 43 தலைப்பு - Sathayaraj movie titled for Dhanush 43 film

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'மாறன்' - சத்யராஜ் படப் பெயரில் தனுஷ் 43 தலைப்பு

28 ஜூலை, 2021 - 04:10 IST

எழுத்தின் அளவு:

கார்த்திக் நரேன் இயக்கத்தில், தனுஷ், மாளவிகா மோகனன் மற்றும் பலர் நடிக்கும் தனுஷின் 43வது படத்தின் தலைப்பு இன்று தனுஷ் பிறந்தநாளை முன்னிட்டு அறிவிக்கப்பட்டது. 'மாறன்' என்ற தலைப்பை அறிவித்து, முதல் பார்வை போஸ்டரையும் வெளியிட்டுள்ளார்கள். இத்தலைப்பில் ஏற்கெனவே, சத்யராஜ், சீதா, ரகுவண்ணன், சந்தோஷி மற்றும் பலர் நடிக்க 2002ம் ஆண்டு ஒரு படம் வெளியாகி உள்ளது.

1996ம் ஆண்டு சிதம்பரம் அண்ணாமலைப் பல்கலைக்கழக மருத்துவக் கல்லூரி முதலாமாண்டு மாணவரான நாவரசு, ராகிங் காரணமாகக் கொடூரமாகக் கொலை செய்யப்பட்டதை மையமாக வைத்து உருவாக்கப்பட்ட படம் தான் 2002ல் வெளிவந்த 'மாறன்'. குடும்பப் பின்னணியில் க்ரைம் த்ரில்லர் ஆக உருவான படம் அந்த 'மாறன்'.

இந்த 2021ம் ஆண்டு 'மாறன்' படத்தின் முதல் தோற்றத்தைப் பார்க்கும் போதும் ஒரு ஆக்ஷன் படம் போலத்தான் தோன்றுகிறது. இப்படத்தின் படப்பிடிப்பு தற்போது ஐதராபாத்தில் விறுவிறுப்பாக நடந்து வருகிறது. இன்னும் பத்து நாட்களில் படப்பிடிப்பு முடிவடைய உள்ளதாகத் தெரிகிறது.

தனுஷின் அடுத்த வெளியீடாக வர உள்ள 'மாறன்' படம் தியேட்டர்களில்தான் வெளியாகும் என்கிறார்கள்.

Dhanush43

Maaran

கருத்துகள் (0) கருத்தைப் பதிவு செய்ய

விஜய் ஆண்டனிக்கு ஜோடியாகும் ஹன்சிகா

புகைப் பழக்கத்துக்கு எதிராக அல்லு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய