Dinamalar

விஜய், அஜித் தடுப்பூசி போட்டுக் கொண்டார்களா ?

கொரோனா இரண்டாவது அலையின் காரணமாக நிறுத்தி வைக்கப்பட்டிருந்த சினிமா படப்பிடிப்புகள் கடந்த வாரம் முதல் ஆரம்பமாகின. ஆனால், இன்று முதல்தான் விஜய் நடிக்கும் 'பீஸ்ட்', தனுஷ் நடிக்கும் பெயரிடப்படாத படம் உள்ளிட்ட படங்களின் படப்பிடிப்புகள் மும்முரமாக ஆரம்பமாகியுள்ளன.

அரசு அறிவித்துள்ள விதிமுறைகள், கட்டுப்பாடுகள் ஆகியவை கடைபிடிக்கப்பட்டே படப்பிடிப்புகள் நடைபெறுவதாகத் தெரிகிறது. படப்பிடிப்பில் கலந்து கொள்வதால் பாதுகாப்பாக இருக்க பல நடிகர்கள், நடிகைகள் ஏற்கெனவே தடுப்பூசி போட்டுக் கொண்டார்கள்.

தடுப்பூசி போட்டுக் கொண்டதற்கான சான்றிதழை காண்பித்த பிறகுதான் தொழிலாளர்கள் அனுமதிக்கப்படுவதாக தகவல் வெளியாகி உள்ளது. அனைத்து விதமான பணியார்களையும் தடுப்பூசி போட்டுக் கொண்ட பிறகே படப்பிடிப்புகளுக்கு வர வேண்டும் என சம்பந்தப்பட்ட படக்குழுவினர் தெரிவித்துள்ளதாகவும் சொல்கிறார்கள்.

இன்று ஆரம்பமாகியுள்ள விஜய்யின் 'பீஸ்ட்' படப்பிடிப்பில் கடும் கட்டுப்பாடுகள் கடைபிடிக்கப்படுவதாகச் சொல்கிறார்கள். ஆனால், படத்தின் நாயகன் விஜய் தடுப்பூசி போட்டுக் கொண்டாரா என்பது குறித்த தகவல் இன்னும் உறுதியாக தெரியவில்லை. ஆனால் சில தினங்களுக்கு முன் அவர் தடுப்பூசி போட்டுக் கொண்டதாக செய்திகள் வந்தன. அப்படி அவர் தடுப்பூசி போட்டிருந்தால் அதை வெளியில் அறிவித்தால், அவரது ரசிகர்களும் எந்தத் தயக்கமும் இன்றி தடுப்பூசி போட்டுக் கொள்வார்களே என சமூக ஆர்வலர்கள் தெரிவிக்கிறார்கள்.

அஜித்தும் விரைவில் 'வலிமை' படத்தின் கடைசிகட்டப் படப்பிடிப்பில் கலந்து கொள்ள உள்ளார் என்றும் சொல்கிறார்கள். அவர் தடுப்பூசி போட்டுக் கொண்டதன் தகவலும் இதுவரை வெளியாகவில்லை.

ரஜினிகாந்த், கமல்ஹாசன், சூர்யா, கார்த்தி, உதயநிதி ஸ்டாலின், யோகி பாபு, சூரி உள்ளிட்ட பலர் தடுப்பூசி போட்டுக் கொண்டுள்ளனர். நடிகைகள் பலரும் தடுப்பூசி போட்டுக் கொண்டதை தங்கள் சமூக வலைத்தளங்களில் பகிர்ந்துள்ளனர்.

விஜய்யும், அஜித்தும் அவர்களது ரசிகர்களின் நலன் கருதி தடுப்பூசி போட்டுக் கொண்டதன் தகவலை வெளியிடலாமே ?.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...