Dinamalar

5 கோடி பார்வைகள் : புதிய சாதனை படைத்த 'சாரங்க தரியா'

சேகர் கம்முலா இயக்கத்தில் பவன் இசையமைப்பில் நாக சைதன்யா, சாய் பல்லவி மற்றும் பலர் நடிக்கும் படம் 'லவ் ஸ்டோரி'. இப்படத்தில் இடம் பெற்றுள்ள நாட்டுப்புறப் பாடல் ஒன்றை சமீபத்தில் யு டியூபில் வெளியிட்டனர். வெளியான 14 நாட்களுக்குள்ளாகவே அப்பாடல் 50 மில்லியன், அதாவது 5 கோடி பார்வைகளைப் பெற்று தெலுங்குத் திரையுலகில் புதிய சாதனையைப் படைத்துள்ளது.

இதற்கு முன்பு 'அலா வைகுந்தபுரம்லோ' படத்தில் இடம் பெற்ற 'புட்ட பொம்மா' பாடல் 18 நாட்களில் 50 மில்லியன் பெற்ற சாதனையை 'சாரங்க தரியா' பாடல் முறியடித்துள்ளது.

இந்தப் பாடல் குறித்து எழுந்த சர்ச்சைக்கும் படத்தின் இயக்குனர் சேகர் கம்முலா முற்றுப்புள்ளி வைத்துவிட்டார். கோமலி என்ற நாட்டுப்புறப் பாடகிதான் இப்பாடலை சேனல் நிகழ்ச்சி ஒன்றில் பாடி பிரபலப்படுத்தினார். படத்திற்காக மங்கிலி என்பவர் பாடியுள்ளார். இருந்தாலும் படத்தின் இசை வெளியீட்டின் போது மேடையில் இப்பாடலைப் பாட கோமலிக்கு சேகர் கம்முலா வாய்ப்பளித்துள்ளார்.

சாய் பல்லவி நடித்த பாடல்களில் அவருடைய நடனத்திற்காகவே பாடல்கள் யு டியூபில் அதிக பார்வைகளைப் பெறுகின்றன. இதற்கு முன் தமிழில் 'ரவுடி பேபி' பாடல், தெலுங்கில், 'வச்சிந்தே' ஆகிய பாடல்கள் முறையே 1100 மில்லியன் 290 மில்லியன் பார்வைகளைக் கடந்துள்ளன. அடுத்து 'சாரங்க தரியா' பாடலின் முழு வீடியோ வெளியானால் அதுவும் மேலும் சாதனைகளைப் படைக்க வாய்ப்பிருக்கிறது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்