Dinamalar

மீண்டும் தமிழுக்கு வருவாரா பூஜா ஹெக்டே

2020ம் ஆண்டு தென்னிந்திய அளவில் அதிக அளவில் பார்க்கப்பட்ட, கேட்கப்பட்ட பாடல் ஒரு தெலுங்குப் பாடல். 'அலா வைகுந்தபுரம்லோ' படத்தில் தமன் இசையமைப்பில் அல்லு அர்ஜுன், பூஜா ஹெக்டே நடனமாடிய 'புட்ட பொம்மா' பாடிய பாடல் மொழி தெரியாத ரசிகர்களையும் கவர்ந்தது.

தன்னுடைய இடுப்பைச் சுழற்றி சுழற்றி அசைத்து நடனமாடிய பூஜா ஹெக்டேக்கு இந்த பூலோகத்தில் பலரும் அடிமையானர்கள். தெலுங்கு, ஹிந்தி என பிஸியாக இருக்கும் பூஜா ஹெக்டேவை, விஜய்யின் அடுத்த படத்திற்கு ஜோடியாக நடிக்க பேச்சு வார்த்தை நடத்தி வருகிறார்களாம்.

பூஜா ஹெக்டே முதன் முதலில் கதாநாயகியாக அறிமுகமானது தமிழ்ப் படத்தில் தான் என்பது பலருக்கும் மறந்து போயிருக்கும். மிஷ்கின் இயக்கத்தில் 2012ம் ஆண்டு வெளிவந்த 'முகமூடி' படம் தான் அவருடைய முதல் படம். அப்படத்தின் படு தோல்வி அவரை மீண்டும் இந்தப் பக்கம் வரும் ஆசையை அப்படியே நிறுத்திவிட்டது.

கஷ்டபப்பட்டு தெலுங்கு, ஹிந்தியில் முன்னேறி வருகிறார். நயன்தாராவுக்கு குறிப்பிடத்தக்க வெற்றிப் படத்தைக் கொடுத்த நெல்சன் இயக்கும் படம், அதிலும் விஜய் ஜோடி என்பதால் பூஜா மீண்டும் நடிக்க வரலாம் என்கிறார்கள். தெலுங்கில் 'மாஸ்டர்' படம் மூலமும் தனக்கு புதிய மார்க்கெட்டைப் பெற்றுள்ள விஜய்க்கு, பூஜா ஜோடியாக நடித்தால் அங்கும் உதவியாக இருக்கும். சம்மதிப்பாரா என்பது விரைவில் தெரிந்துவிடும்.

• 
  ஐஸ்வர்யா ராயை தொடர்ந்து அபிஷேக் பச்சன் வழக்கு: புகைப்படத்தை பயன்படுத்த ...
• 
  மகளின் முதல் பிறந்தநாளை கொண்டாடிய ரன்வீர் சிங் - தீபிகா படுகோனே
• 
  அனுமதியின்றி தன் பெயர், படத்தை பயன்படுத்தக்கூடாது: ஐஸ்வர்யா ராய் வழக்கு
• 
  'பாகுபலி' தயாரிப்பாளர்களை கடுமையாகப் பேசிய போனி கபூர்
• 
  நஷ்டத்துடன் ஓட்டத்தை முடிக்கும் 'வார் 2'

• 
  டிக்கெட் கட்டணங்களை அதிரடியாகக் குறைத்த கர்நாடகா அரசு
• 
  சமூக வலைத்தளங்களை விட்டு வெளியேறிய ஐஸ்வர்ய லட்சுமி
• 
  பிரச்சனை முடிந்து திரைக்கு வந்தது 'தணல்'
• 
  ‛ஜனநாயகன்' படத்திற்கு செக் வைக்க வரும் ‛பராசக்தி'
• 
  கமல் படத்தில் இணைந்த பிரபல மலையாள எழுத்தாளர்