Dinamalar

மதுரை மாநாடு நடப்பதென்ன... நடிகர், நடிகைகள் இணைகிறார்களா?

த.வெ.க., சார்பில் மதுரையில் ஆகஸ்ட் 21ல் மாநாடு நடத்துகிறார் விஜய். விக்கிரவாண்டிக்குபின் நடக்கும் 2வது மாநாடு என்றாலும் மதுரையில் நடப்பதால் முக்கியத்துவம் பெறுகிறது. இந்த மாநாட்டில் சில திரையுலக பிரபலங்கள் தவெகவில் சேரலாம். விஜய் முன்பு சிலரை இணைக்க பேச்சுவார்த்தை நடந்து வருவதாக தகவல். ஆனால், ஒரு சிலர் இதை மறுக்கிறார்கள்.

இது உண்மையா என்று விசாரித்தால், 'தவெகவில் சேர ஆசை இருந்தாலும் பல நடிகர், நடிகைகள் தயங்குகிறார்களாம். காரணம், சட்டசபை தேர்தலில் அவர் தனித்து நிற்கிறார். அவர் கட்சியில் சேர்ந்தால் மத்திய அரசு, மாநில அரசை விமர்சிக்க வேண்டும். இதுவே தொழில் ரீதியிலான பாதிப்பை ஏற்படுத்தும். புதுகட்சி என்பதால் விஜய் தரப்பில் பிரச்சாரம் சமயத்தில் பணம் தருவார்களா? என தெரியாது. இதனால் மார்க்கெட் இழந்த பல நடிகர், நடிகைகள், இயக்குனர்கள் யோசிக்கிறார்கள். விஜய் நண்பர்கள் வட்டாரத்தில் இருப்பவர்கள் கூட நட்பு வேறு, அரசியல் வேறு, நாம் தவெகவில் சேர வேண்டாம் என யோசிக்கிறார்களாம்.

விஜய் உடன் நடித்த அந்த பிரபல ஹீரோயின், மதுரை மாநாட்டில் கட்சியில் சேர வாய்ப்பு இருப்பதாகவும், அவருக்கு பதவி தரப்பட உள்ளது என்று பேச்சு எழுந்தாலும், எனக்கு அரசியல் தெரியாது என்று நடிகை தரப்பு மறுக்கிறதாம். அவரை கட்சியில் சேர்ந்தால் தேவையில்லாத விமர்சனங்களும் வரும் என்பதால் கட்சிக்குள்ளும் சிலர் பதறுகிறார்களாம். அதனால், மதுரை மாநாட்டில் கலையுலகினர் சேர வாய்ப்பு குறைவு என்கிறார்கள்.

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்

• 
  என்னை ஏன் டார்கெட் செய்கிறார்கள் : கயாடு லோஹர் வேதனை
• 
  ரஜினி படத்திலிருந்து விலகியதால் மீண்டும் கார்த்தியுடன் இணையும் ...
• 
  பாலகிருஷ்ணா 111வது படத்தில் ராணி ஆக நயன்தாரா
• 
  மீண்டும் காமெடி ஹீரோவான சதீஷ்
• 
  ஒரே படத்தின் மூலம் தமிழுக்கு வரும் தெலுங்கு, மலையாள ஹீரோயின்கள்