Dinamalar

'ஹிட் 3' மீது கதை திருட்டு வழக்கு

இந்தியில் தயாராகி வெளியான 'ஹிட்' வரிசை படங்கள் தொடர்ந்து வெற்றி பெற்றது. இதன் 3வது பாகத்தில் தெலுங்கு நடிகர் நானி நடித்தார். அவருடன் ஸ்ரீநிதி ஷெட்டி, சமுத்திரகனி உள்பட பலர் நடித்திருந்தார்கள். சைலேஷ் கொலனு இயக்கி இருந்தார், பிரசாந்த் திபிமெனியும், நானியும் இணைந்து தயாரித்திருந்தார்கள்.
ஒரே மாதிரி நடக்கும் 13 கொலைகள், அதன் பின்னணியில் இருக்கும் கொடூர ஆன்லைன் நெட் ஒர்க். அதை ஹீரோ எப்படி அழிக்கிறார் என்பதுதான் படத்தின் கதை.

இந்த நிலையில் இந்த படம் எனது கதையை காப்பி அடித்து எடுக்கப்பட்டுள்ளது என்று தென்காசியை சேர்ந்த கே.விமல் என்பவர் சென்னை உயர்நீதிமன்றத்தில் வழக்கு தொடர்ந்துள்ளார். அவர் தாக்கல் செய்துள்ள மனுவில், ''ஏஜென்ட் 11 என்ற கதையை தென்னிந்திய திரைப்பட எழுத்தாளர்கள் சங்கத்தில் 2022ம் ஆண்டு பதிவு செய்தேன். 'சைக்கோ கில்லர்' கதையை மையமாக வைத்து இதை எழுதினேன்.

இந்த கதையை பிரபல நடிகர் நானியின் நிறுவனத்துக்கு இ-மெயில் மூலம் அனுப்பி வைத்தேன். அதே ஆண்டு 'ஏஜென்ட் வி' என்ற பெயரில் நாவலாகவும் வெளியிட்டேன். இந்தநிலையில் என் கதையை மையமாக வைத்து, நடிகர் நானி நடித்துள்ள 'ஹிட் 3' என்ற திரைப்படமாக எடுத்து கடந்த மே மாதம் வெளியாகி உள்ளது. இந்த படம் இதுவரை 100 கோடி வசூலை தாண்டி ஓடிக்கொண்டிருக்கிறது. எனவே, இந்த படத்தின் வருமானத்தில் 20 சதவீதத்தை எனக்கு இழப்பீடாக வழங்க உத்தரவிட வேண்டும்" என்று கூறியிருந்தார்.

இந்த வழக்கை விசாரித்த நீதிமன்றம் வருகிற ஜூலை 7ம் தேதிக்குள் நடிகர் நானி, இயக்குனர், தயாரிப்பாளர் உள்ளிட்டோர் பதில் அளிக்க வேண்டும் என்று நோட்டீஸ் அனுப்ப உத்தரவிட்டது.

• செய்திகள்
• ஆல்பம்
• வந்த படங்கள்

• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு
• 
  ஏஐ தொழில்நுட்பத்தில் இரட்டை வேடங்களில் நடிக்கும் சன்னி லியோன்
• 
  50 ஆண்டுகளுக்குப் பிறகு ஒரிஜினல் கிளைமாக்ஸ் உடன் சர்வதேச திரைப்பட ...
• 
  என் அம்மா அளவுக்கு என்னால் சினிமாவில் சாதிக்க முடியாது : ஜான்வி கபூர்

• 
  ஸ்பெயினிலும் சாதித்த அஜித் அணி: 3ம் இடம் பிடித்து அசத்தல்
• 
  பிரபாஸின் ‛தி ராஜா சாப்' படத்தின் டிரைலர் நாளை மாலை வெளியாகிறது!
• 
  என் சாம்பியனுக்கு அருகில் இருக்கிறேன்! - புகைப்படங்களுடன் ஷாலினி ...
• 
  பிளாஷ்பேக்: 'ஜுபிடர் பிக்சர்ஸ்' நிறுவனம் தயாரிக்க ஆசைப்பட்டு, ...
• 
  'ஓஜி' வரவேற்பு: பிரியங்கா மோகன் தெரிவித்த நன்றி