Dinamalar

தமிழ்த் தலைப்புகளை தவிர்க்கும் தமிழ்த் திரையுலகம்

ஜிஎஸ்டி வரி விதிப்புக்கு முன்பாக தமிழ்த் திரையுலகத்தில் தமிழில் தலைப்பு வைக்கும் படங்களுக்கு தமிழக அரசு வரி விலக்கு அளித்து வந்தது. அதன்பின் நீக்கிக் கொள்ளப்பட்டது. அதனால், பழையபடி தமிழ்ப் படங்களுக்கு ஆங்கிலம் உள்ளிட்ட மற்ற மொழித் தலைப்புகள் வைப்பது அதிகமாகியது.

கடந்த ஓரிரு வருடங்களில் அது மிகவும் அதிகமாகிவிட்டது. இந்த 2025ம் வருடத்தில் மட்டும், இதுவரை வெளிவந்த படங்களில் பாதிப் படங்கள் ஆங்கிலத் தலைப்புப் படங்கள்தான். அடுத்து வர உள்ள படங்களில் 'டெவில்ஸ் டபுள் நெக்ஸ்ட் லெவல், ஏஸ், லெமன், மெட்ராஸ் மேட்னி, ஸ்கூல், ஜின் த பெட், த வெர்டிக்ட், தக் லைப், சென்னை சிட்டி கேங்ஸ்டர்ஸ், டிஎன்ஏ, பீனிக்ஸ், ப்ரீடம், கூலி, மதராஸி, லவ் இன்ஷுரன்ஸ் கம்பெனி, பைசன், டூயுட்” என ஆங்கிலத் தலைப்பு படங்களே அதிகமாக வர உள்ளன.

தலைப்புகள்தான் ஆங்கிலத்தில் வைக்கிறார்கள் என்றால், படத்தின் விளம்பரங்களில் கூட தமிழ்ப் பெயர்களும், தமிழ் வார்த்தைகளும் இடம் பெறுவதில்லை. அவற்றிற்கான முன்னோட்டங்களில் கூட ஆங்கில வார்த்தைகளே அதிகம் இடம் பெறுகின்றன.

தமிழ்ப் படங்களின் பெயர்களில் தமிழ் இல்லாத போது, தமிழ்ப் பாடல்களிலும் தமிழ் காணாமல் போய் ஆங்கிலம் கலந்த பாடல்கள்தான் அதிகம் வருகின்றன.

கடைகளின் பெயர்கள் தமிழில் இடம் பெற்றாக வேண்டும் என்று உத்தரவிடுவதைப் போல இதற்கும் தமிழக அரசு ஏதாவது செய்தாக வேண்டும் என்ற கோரிக்கை விரைவில் எழுந்தால் ஆச்சரியப்படுவதற்கில்லை.

• 
  தமன்னா கை கழுவியதால் புதிய காதலில் விழுந்தாரா விஜய் வர்மா..?
• 
  ஐமேக்ஸில் வெளியாகும் வார் 2
• 
  ஒடிசாவின் பாரம்பரிய நடனத்தை கற்றுக்கொண்ட பிரியங்கா சோப்ரா
• 
  டிஜிட்டல் தரத்தில் 'உம்ராவ் ஜான்' - நாளை ரீரிலீஸ்
• 
  ஓடிடியில் நேரடியாக வெளியாகும் மாதவன் படம்

• 
  விஜய்சேதுபதி மகன் படவிழாவில் விஜய்யின் ஜனநாயகன் இயக்குனர்
• 
  ராஷ்மிகாவின் 'ரெயின்போ' படம் என்ன ஆயிற்று ?
• 
  விஷ்ணு விஷால் அடுத்தடுத்து தயாரிக்கும் 3 படங்கள்
• 
  சிம்பு - வெற்றிமாறன் கூட்டணி : தனுஷ் தரப்பில் திடீர் எதிர்ப்பு ?
• 
  நான் நடிக்க வேண்டிய கதையில் என் மகன் நடிக்கிறார் : விஜய் சேதுபதி