Dinamalar

ரஜினி பெயரும் 'தேவா', தனுஷ் பெயரும் 'தேவா' !!

மணிரத்னம் இயக்கத்தில் ரஜினிகாந்த், மம்முட்டி நடிப்பில் வெளிவந்த 'தளபதி' படத்தில் மம்முட்டியின் கதாபாத்திரப் பெயர் தேவா. ரஜினியின் பெயர் சூர்யா. அப்படம் வெளிவந்து 33 ஆண்டுகள் ஆனாலும் தேவா, சூர்யா பெயர்கள் ரஜினி ரசிகர்களுக்கு மறக்க முடியாத பெயர்கள்.

லோகேஷ் கனகராஜ் இயக்கத்தில் ரஜினிகாந்த் நடித்துள்ள 'கூலி' படத்தில் அவருடைய கதாபாத்திரப் பெயர் தேவா. 'தளபதி' படத்தில் பிரபலமான ஒரு பெயர் 'தேவா' என்பதால் அந்தப் பெயரையே 'கூலி' படத்தில் ரஜினிக்காக வைத்திருக்கலாம் லோகேஷ். ரஜினியின் பெயரை சூர்யா என இப்போது வைத்தால் அரசியல் என சொல்லவும் வாய்ப்புண்டு.

இதனிடையே, ரஜினியின் முன்னாள் மருமகனும் நடிகருமான தனுஷ் நடித்து ஜுன் 20ம் தேதி வெளியாக உள்ள 'குபேரா' படத்தில் தனுஷின் கதாபாத்திரப் பெயரும் தேவா என்பது நேற்று வெளியிட்ட போஸ்டர் மூலம் தெரிய வந்துள்ளது.

இது யதேச்சையாக நடந்திருக்கவே வாய்ப்புள்ளது. 'குபேரா' படத்தின் படப்பிடிப்பை 'கூலி' படத்திற்கு முன்பாகவே ஆரம்பித்துவிட்டார்கள். இருந்தாலும் அடுத்தடுத்து வெளியாக உள்ள இருவரது கதாபாத்திரப் பெயர்களும் ஒன்றாக இருப்பது ஒப்பிட்டுப் பேசும் அளவிற்கு வர வாய்ப்புள்ளது.

• 
  வசூல் கொட்டுது... : 10 நாளில் ரூ.552.70 கோடியை குவித்த ‛துரந்தர்'
• 
  நான் அழுதால் நீங்கள் சிரிப்பீர்கள் ; சல்மான்கான் வெளிப்படை பேச்சு
• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்

• 
  ஹனி ரோஸின் ‛ரேச்சல்' படம் ரிலீஸ் ஒத்திவைப்பு
• 
  புத்தாண்டு தினத்தில் அஜித் 64வது பட அறிவிப்பு வெளியாகிறதா?
• 
  கருப்பு படத்தின் சாட்டிலைட் உரிமையை வாங்கிய ஜீ தமிழ் சேனல்
• 
  மதுப்பழக்கம் துவங்கியது புகுந்த வீட்டில் தான்; நடிகை ஊர்வசி
• 
  எம்ஜிஆர் நினைவுநாளில் 'வா வாத்தியார்' வருகிறார்…???