பிளாஷ்பேக்: சவாலுக்கு படம் எடுத்த பாலுமகேந்திரா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

09 மே, 2025 - 10:57 IST

எழுத்தின் அளவு:

தமிழ் சினிமாவின் முக்கிய இயக்குனரான பாலுமகேந்திரா தனது ஆரம்ப காலத்தில் 'அழியாத கோலங்கள், மூடுபனி, மூன்றாம் பிறை' என மென்மையான படங்களை இயக்கிக் கொண்டிருந்தார். அப்போதெல்லாம் பரவலாக பாலுமகேந்திராவிற்கு இப்படியான படங்கள்தான் எடுக்க வரும், கமர்ஷியல் படங்கள் வராது என்ற விமர்சனம் இருந்தது.

ஒரு நேர்காணலில் ஒரு பத்திரிகையாளர் இதனை அவரிடம் நேரடியாகவே கேட்டு விட்டார். இதனால் கோபம் அடைந்த பாலுமகேந்திரா நீங்கள் கேட்ட மாதிரி என்னால் கமர்ஷியல் படமும் செய்ய முடியும் என்று சவால் விட்டு உருவான படம்தான் 'நீங்கள் கேட்டவை'. படத்தின் கதை அதற்கு முன்பே பலமுறை படமான சாதாரண கதைதான். அந்த கதையை வேண்டுமென்றேதான் அவர் தேர்வு செய்தார்.

தன் தாயை பலாத்காரம் செய்து கொன்றவர்களை, மகன்கள் வளர்ந்து ஆளாகி பழிவாங்குகிற கதை. ஒரு மகனாக தியாகராஜனும், இன்னொரு மகனாக பானுசந்தரும் நடித்தார்கள். நாயகிகளாக சரிதாவும், அர்ச்சனாவும் நடித்தார்கள். சில்க் ஸ்மிதா கவர்ச்சியான வேடம் ஒன்றில் நடித்தார், இவர்கள் தவிர பூர்ணிமா பாக்யராஜ், வனிதா, பாலன் கே.நாயர் உள்ளிட்ட பலர் படத்தில் நடித்தனர். இளையராஜாவின் இசையில் பாடல்கள் அனைத்தும் சூப்பர் ஹிட்டானது. படமும் பெரிய வெற்றி வெற்றது.

ஒரு படத்திற்கு கதையை விட அந்த கதையை எப்படி எடுக்கிறோம் என்பதுதான் முக்கியம் என்பதை நிரூபித்த படம். ஒரு சவாலுக்காக இந்த படத்தை இயக்கினாலும், அதன் பிறகு பாலுமகேந்திரா வணிக ரீதியிலான படங்களை இயக்கவில்லை.

Flashback

Balu Mahendra

Neengal Kettavai

Challenge

கருத்துகள் (0) கருத்தைப் பதிவு செய்ய

பிளாஷ்பேக்: குழந்தை நட்சத்திரமாக ...

தியேட்டர், ஓடிடி… அடுத்து ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய