Dinamalar

மலை போல மாமன் இருக்கேன் : சூரியின் ‛மாமன்' பட டிரைலர் வெளியானது

பிரசாந்த் பாண்டியராஜ் இயக்கத்தில் சூரி கதையின் நாயகனாக நடித்துள்ள படம் மாமன். இதில் அவருக்கு ஜோடியாக ஐஸ்வர்யா லட்சுமி நடிக்க, ராஜ்கிரண், சுவாசிகா, பால சரவணன் உள்ளிட்ட பலர் முக்கிய வேடங்களில் நடித்திருக்கிறார்கள். இந்த படத்திற்கு நடிகர் சூரியே கதை எழுதி இருக்கிறார். இப்படம் மே 16ம் தேதி திரைக்கு வரவுள்ள நிலையில் டிரைலர் வெளியாகி இருக்கிறது.

மூன்று நிமிடம் ஓடும் டிரைலரில் கர்ப்பமாக இருக்கும் அக்காவிடம் வயிற்றில் இருக்கும் மகனுக்கு காது முளைத்திருக்கும். நாம் பேசுவதெல்லாம் அவனுக்கு கேட்கும் என்று சொல்லும் சூரி, என்ன பெத்தாரு மாமன் வரேன்டா, இந்த உலகத்துல நீ பார்க்கும் முதல் முகம் இந்த மாமன் முகம்தான். உன்னை நான்தான் குளிப்பாட்டுவேன். பவுடர் போட்டு விடுவேன் என்று பாசத்துடன் கூறும் காட்சிகள் இடம் பெற்று இருக்கிறது.

அதுமட்டுமின்றி உனக்கு பாசம் காட்ட அப்பா அம்மா, செல்லம் கொடுக்க தாத்தா பாட்டி. அறிவோடு வளர்க்க அழகான அத்தை, மலை போல மாமன் என்று வயிற்றில் இருக்கும் குழந்தையுடன் சூரி பேசும் நெகிழ்ச்சியான காட்சிகளும் இடம் பெற்றிருக்கிறது. அதன்பிறகு குடும்ப உறவுகளுக்கிடையே ஏற்படும் மோதல்கள் என பாசப் போராட்டத்தை முன்னிறுத்தி சென்டிமெண்ட் கதையில் இப்படம் உருவாகி உள்ளது என டிரைலரை பார்க்கையில் புரிகிறது. தற்போது வைரலாகி வருகிறது.

• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3

• 
  கொலை செய்யப்பட்ட தமிழ் ஒளிப்பதிவாளருக்கு கிடைத்த தேசிய விருது
• 
  இரு தேசிய விருதுகளுக்குக் காரணமான அட்லீ, அனிருத்
• 
  பிளாஷ்பேக் : 3 மொழிகளில் வெற்றி பெற்ற அம்மா சென்டிமெண்ட் படம்
• 
  பிளாஷ்பேக் : எம்.எஸ்.பாஸ்கருக்கு விருது கிடைத்திருக்க வேண்டிய ...
• 
  வசூலை குவிக்கும் இந்திய அனிமேஷன் படம்