Dinamalar

'பேமிலிமேன்-3' வெப்சீரிஸ் நடிகர் நீர்வீழ்ச்சியில் விழுந்து மரணம்

பாலிவுட்டில் கடந்த சில வருடங்களில் வெளியான வெப் சீரிஸ்களில் 'பேமிலி மேன்' வெப்சீரிஸின் அடுத்தடுத்த பாகங்கள் ரொம்பவே பிரபலம். ராஜ் மற்றும் டி.கே இருவரும் இணைந்து இயக்கியுள்ள இந்த வெப்சீரிஸ் தொடர்களில் நடிகை சமந்தா தொடர்ந்து முக்கியத்துவம் வாய்ந்த கதாபாத்திரத்தில் நடித்து வருகிறார். அது மட்டுமல்ல மனோஜ் பாஜ்பாய், பிரியாமணி உள்ளிட்ட பாலிவுட் மற்றும் தென்னிந்திய நட்சத்திரங்கள் பலரும் இந்த தொடரில் நடித்துள்ளனர்.

அந்த வகையில் 'பேமிலிமேன்-3' வெப்சீரிஸில் நடித்து கவனம் பெற்றவர் வளர்ந்து வரும் நடிகரான ரோஹித் பேஸ்போர் என்பவர். இவர் நேற்று முன்தினம் தனது நண்பர்கள் குழுவுடன் சுற்றுப்பயணம் மேற்கொண்டார். அப்போது கவுஹாத்தி அருகில் உள்ள கர்ப்பங்கா நீர்வீழ்ச்சியில் மதியம் 2 மணி அளவில் நண்பர்களுடன் சேர்ந்து குளித்தபோது நிலை தடுமாறி கீழே விழுந்து உயிரிழந்ததாக தகவல் வெளியாகி உள்ளது. சம்பவம் நடந்த இடத்திற்கு விரைந்த போலீசார் அவரது உடலை கைப்பற்றி உடல் பரிசோதனைக்கு அனுப்பியுள்ளனர். விரைவில் இது குறித்து விரிவான தகவல் அறிக்கை வெளியாகும் என தெரிகிறது.

• 
  சோசியல் மீடியாவில் விமர்சிக்கப்படும் சாய்பல்லவியின் சீதா தேவி ...
• 
  விஜய் இல்லாமல் எல்சியுவை தொடர சான்ஸ் இல்லை! - லோகேஷ் கனகராஜ்
• 
  பாண்டிராஜ் இயக்கத்தில் அடுத்து நடிப்பது விஜய்சேதுபதியா? சூரியா?
• 
  முழு நீள போலீஸ் வேடத்தில் நடிக்க விஜய் தேவரகொண்டா ஆர்வம்
• 
  துல்கர் சல்மானின் ‛காந்தா' படத்தின் ரிலீஸ் தேதி அறிவிப்பு

• 
  சினிமாவில் இது தான் எதார்த்தம் : திரிப்தி டிமிரி
• 
  பாலிவுட் நடிகர் அமீர்கான் வீட்டுக்கு போன 25 ஐபிஎஸ் அதிகாரிகள்!
• 
  ஹிந்தியில் நேரடியாக டிவியில் ஒளிபரப்பாகும் ‛ரங்கஸ்தலம்'
• 
  மோகன்லாலை போலத்தான் கஜோலும் : பிரமிக்கும் பிரித்விராஜ்
• 
  'சாயரா' இந்தியாவில் நிகர வசூல் 250 கோடி