Dinamalar

எஸ்ஜே சூர்யா பேச்சால் ரஜினி ரசிகர்கள் அதிருப்தி

சமீபத்தில் ஒரு தனியார் விருது வழங்கும் நிகழ்ச்சி நடைபெற்றது. அதில் சிறந்த வில்லன் நடிகருக்கான விருது எஸ்ஜே சூர்யாவிற்கு வழங்கப்பட்டது. அப்போது மேடையில் அவருக்கு சர்ப்ரைஸ் தரும் விதமாக ஜப்பானிலிருந்து அழைத்து வரப்பட்டிருந்த அவரது ரசிகை மற்றும் அவரது குடும்பத்தினர் மேடையில் அவரை சந்தித்து தாங்கள் கொண்டு வந்த பரிசுகளை கொடுத்ததுடன் தங்களது வாழ்த்துகளையும் அழகான தமிழில் தெரிவித்தனர்.

அதே சமயம் எஸ்ஜே சூர்யா பேசும்போது, “ஜப்பானில் என்னுடைய வெறும் ஐந்து படங்கள் மட்டும் தான் ரிலீஸ் ஆகி இருக்கின்றன. ஆனால் இந்த அளவிற்கு அங்கே என்னை மக்கள் தெரிந்து வைத்திருக்கிறார்கள் என்பது எனக்கு பெருமையான விஷயம். இவர்களிடம் பேசும்போது உங்களுக்கு எந்த எந்த நடிகர்களை தெரியும் என்று கேட்டேன். அதற்கு அவர்கள் முதலில் விஜய் என்று சொன்னார்கள்” என்று கூறி பேச்சை நிறுத்தினார்.

அடுத்த பெயரை கூறுவதற்குள் அரங்கத்தில் இருந்தவர்கள் ஒரு நிமிடம் தொடர்ந்து கரகோஷம் எழுப்பியதால் பேசாமல் நின்ற எஸ்ஜே சூர்யா, அதனைத் தொடர்ந்து இரண்டாவது ஆக விஜய்சேதுபதியின் பெயரை குறிப்பிட்டார், அடுத்து மூன்றாவது ஆக யார் பெயரை கூறப்போகிறார் என பலரும் ஆவலுடன் எதிர்பார்த்தபோது மூன்றாவதாக தனது பெயரை குறிப்பிட்டார் எஸ்ஜே சூர்யா. இதற்கு பெரிதாக கைதட்டல் எதுவும் எழவில்லை. அதுமட்டுமல்ல இது குறித்த வீடியோ தற்போது யூடியூபில் வெளியாகியுள்ளது.

இதை பார்த்த பல ரசிகர்கள் குறிப்பாக ரஜினி ரசிகர்கள் பலரும் எஸ்ஜே சூர்யா மீதான தங்களது அதிருப்தியை வெளிப்படுத்தி வருகின்றனர். முதன்முதலாக ஜப்பானில் ரஜினிகாந்த் நடித்த 'முத்து' திரைப்படம் தான் வெளியிடப்பட்டு மிகப்பெரிய வெற்றியை பெற்றது. அவருக்கு அங்கே 'டான்சிங் மகாராஜ்' என்ற பெயரே உண்டு. சொல்லப்போனால் ஜப்பானில் தமிழ் படங்களை திரையிடுவதற்கு வழிகாட்டியாக அமைந்தது ரஜினியின் படங்கள் தான். அங்குள்ள பெரும்பாலான ஜப்பானிய மக்களுக்கு ரஜினிகாந்தை நன்கு தெரியும்.

இங்கே ரஜினி படம் ரிலீஸ் ஆகும் சமயத்தில் எல்லாம் ஜப்பானிலிருந்து கூட இங்கே வந்து படம் பார்த்து விட்டு செல்கிறார்கள். ஜப்பானிலும் ரஜினி பட ரிலீஸ் திருவிழா போல கொண்டாடப்படுகிறது. அப்படி இருக்கையில் அந்த ரசிகை ரஜினி பெயரை எஸ் ஜே சூர்யாவிடம் கூறினாரா, இல்லையா,, அல்லது அவர் கூறியதை எஸ்ஜே சூர்யா சொல்லாமல் விட்டு விட்டாரா ? என்று தங்களது கமெண்ட்களை ரசிகர்கள் வெளிப்படுத்தி வருகின்றனர். ரஜினிகாந்தை விட விஜய்சேதுபதி, எஸ்ஜே சூர்யா ஜப்பானில் அவ்வளவு புகழ் பெற்றவர்களா என்ன என்றும் கேள்வி எழுப்பி வருகின்றனர்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  ஆக்ஷன் கலந்த துள்ளல் உடன் வெளிவந்துள்ள ‛ஆயா ரே பாபா' பாடல்
• 
  பயங்கரவாத தாக்குதலால் ‛தி பிக் பாலிவுட் ஒன்' நிகழ்ச்சியை தள்ளிவைத்த ...
• 
  டெஸ்ட்டில் விட்டதை கேசரி சாப்டர் 2-வில் பிடிப்பாரா மாதவன்
• 
  'பேமிலிமேன்-3' வெப்சீரிஸ் நடிகர் நீர்வீழ்ச்சியில் விழுந்து மரணம்
• 
  சிறுநீர் குடித்தேன் - பரேஷ் ராவல் கருத்துக்கு டாக்டர்கள் எதிர்ப்பு

• 
  நடிகர்கள் அணிந்துள்ள முகமூடி : மாளவிகா மோகனன்
• 
  கமலிடம் கதை சொன்ன அஸ்வத் மாரிமுத்து
• 
  மலை போல மாமன் இருக்கேன் : சூரியின் ‛மாமன்' பட டிரைலர் வெளியானது
• 
  மதுரையில் விஜய்க்கு உற்சாக வரவேற்பு : பின்தொடராதீங்கனு சொல்லியும் ...
• 
  பயங்கரவாதம் மனித குலத்தின் எதிரி, காஷ்மீரில் மோடி அமைதியை கொண்டு வருவார் ...