Dinamalar

கடவுள் பூமிக்கு வந்தால்… : சிம்புவின் 51வது பட அறிவிப்பு வெளியானது

கமல் உடன் ‛தக் லைப்' படத்தில் நடித்து முடித்துள்ளார் சிம்பு. இப்படம் ஜூன் மாதம் திரைக்கு வருகிறது. சிம்பு இன்று(பிப்., 3) தனது 43வது பிறந்தநாளை கொண்டாடுகிறார். இதை முன்னிட்டு அவரின் புதிய பட அறிவிப்புகள் அடுத்தடுத்து வெளியாகி வருகின்றன. அந்தவகையில் இவரின் 49வது படத்தை 'பார்க்கிங்' இயக்குனர் ராம்குமார் பாலகிருஷ்ணன் இயக்குகிறார். இவரின் 50வது படத்தை தேசிங்கு பெரியசாமி இயக்குகிறார். இதற்கான அறிவிப்புகள் வெளியான நிலையில் சிம்புவின் 51வது பட அறிவிப்பும் வந்துள்ளது. இதனை ஓ மை கடவுளே படத்தை இயக்கிய அஸ்வத் மாரிமுத்து இயக்குகிறார். இதனை ஏஜிஎஸ் நிறுவனம் தயாரிக்கிறது.

இதுதொடர்பாக வெளியிடப்பட்ட போஸ்டரில் ‛காட் ஆப் லவ்' என குறிப்பிட்டு சிம்புவின் போட்டோவையும் பகிர்ந்துள்ளனர். அதோடு சிம்பு வின்டேஜ் மோட் என தெரிவித்துள்ளனர். இதை வைத்து பார்க்கையில் சிம்புவின் பழைய படங்களின் ஸ்டைலில் ஒரு காதல் படமாக இருக்கும் என தெரிகிறது.

அதோடு, அஜித்தின் தீனா படத்தில் வரும் சொல்லாமல் தொட்டு செல்லும் பாடலில் வரும், ‛‛காதல் இருக்கும் பயத்தினில் தான் கடவுள் பூமிக்கு வருவதில்லை… மீறி அவன் பூமி வந்தால்…?'' என குறிப்பிட்டுள்ளனர். இதனால் சிம்பு கடவுள் ரோலில் நடித்தாலும் நடிக்கலாம் என தெரிகிறது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ரஜினி திடீர் இமயமலை பயணம்
• 
  ஆக்ஷன் ஹீரோயினாக விரும்பும் அக்ஷரா ரெட்டி
• 
  பிளாஷ்பேக்: 400 படங்களில் நடித்த கோவை செந்தில்
• 
  300 கோடி வசூல் சாதனை புரிந்த 'லோகா'
• 
  பிளாஷ்பேக்: முதல் நட்சத்திர ஒளிப்பதிவாளர்